MARKUS 15:5 - KITTA' MATANGKASA'

⁵ Mingka tena sikalimo Nappiali Isa. Sa'genna a'jari lannasa'mi Pilatus.

MARKUS 15:5 Referans Kwoze

YESAYA 53:7

Ia nigau' nikapallakki, mingka sa'baraki ampisa'ringi. Tamakkana-kanayai rapang ana' gimbala' nieranga mange ri pammolongang yareka anrong gimbala' nicukkuruka bulunna.

ZAKHARIA 3:8

Pilangngeri, he ikau Imang Malompo Yosua, kammayatompa ikau ngaseng sikamma imang-imang aganna maraenga, ikau ngasemmi a'jari pangngebarang battu ri allo baji' labattua. Anjo wattua laKusuroi atangKu niarenga ‘I Cu'la'’.

1 KORINTUS 4:9

Nasaba' turu' panggappaku, ikambe tunisuroNa Allata'ala, le'ba' maki' Napare' paccini'-cinikang Allata'ala ri dallekanna rupataua siagang malaekaka. Ikambe sangkamma maki' tau tuna le'baka nihukkung mate ri dallekanna tau jaia siagang nigora-gorai ri bonena linoa.

MATIUS 27:14

Mingka manna sikali tena todong Naero' appiali Isa, sa'genna lannasa' sikalimi Pilatus.

PAMMUJI 71:7

A'jari contoi tallasakku mae ri tau jaia, saba' iKattemi pa'la'langang majarrekku.

YOHANES 19:9

Jari ammotere'mi pole antama' ri balla' lompoa. Na ri wattunna nierammo Isa antama', akkuta'nammi Pilatus ri Ia, nakana, “Battu kemae assala'Nu?” Mingka tappialiai Isa.

YESAYA 8:18

Annemi inakke siagang ana'-ana' Napassareanga Batara mae ri nakke. Batara Kaminang Makoasaya ammarenta ri Bulu' Sion, ansuroi ikambe battu a'jari pammatei mae ri umma' Israel.

MATIUS 27:12

Mingka ri wattunna jai sikali nituduangi ri imang-imang kapalaya siagang pamimping-pamimpinna tu Yahudia, tena sikali Naero' akkana Isa.

MARKUS 15:4

Jari akkuta'nammi pole Pilatus ri Isa nakana, “TaerokaKo appiali? Cini' sai antekamma jaina tuduhang napakkanaiangKo ke'nanga!”

LUKAS 23:9

Jari jaimi pakkuta'nang napakkuta'nangang mae ri Isa. Mingka tena sikali Naero' Isa appiali.