MARKUS 15:14 - KITTA' MATANGKASA'

¹⁴ Akkuta'nammi Pilatus nakana, “Mingka apa kaja'dallanNa?” Pila' a'gora-gorami pole ke'nanga angkana, “Allei Salli'!”

MARKUS 15:14 Referans Kwoze

LUKAS 23:41

Mingka ikatte siratang memang tongki' nihukkung situru' panggaukanta. Mingka Ia tena sikali salaNa!”

1 PETRUS 1:19

passangalinna apa sannaka lompona anggaranna; iamintu KalenNa Almasi, a'jaria sanrapang gimbala' tenaya callanna, nikoro'bangkanga mae ri Allata'ala.

IBRANI 7:26

Jari, Ia minjo Isa Imang Malompo niparalluanga. Iami Imang matangkasa'; tena sikali kasalang yareka dosa ri KalenNa. Nisa'la'mi battu ri tau dorakaya, na nipanai' ri tampa' tinggianganga na sikontu langika.

LAMPA-LAMPANA 19:34

Mingka nacini'na ke'nanga angkana tu Yahudi anjo Aleksander, appada-padami ke'nanga ammarrang lompo angkana, “Nipakalompoi Artemis, rewatana tu Efesus!”

YOHANES 19:6

Ri wattunna nacini' imang-imang kapalaya siagang pangawalaka ngaseng anjo Isa, ammarrang-marrammi ke'nanga, angkana, “Allei salli'! Allei salli'!” Nakanamo Pilatus ri ke'nanga, “Allemi anne Taua nampa ikau tommo ansalliki. Nasaba' inakke tena kugappa kasalanNa manna sirupa.”

YOHANES 18:38

Akkuta'nammi Pilatus nakana, “Apa battuanna anjo katojenganga?” Assulukammi pole Pilatus nampa nakana ri tu Yahudia, “Tena kugappa kasalanna anne Taua, manna sirupa.

LUKAS 23:47

Ri wattunna nacini' perwira pasukanga anjo apa kajarianga, ammujimi ri Allata'ala. Nakana, “Kontu tojengi, anne taua ma'nassa tena nasala!”

LUKAS 23:21

Mingka ammarrang-marrammi pole ke'nanga angkana, “Allei Salli'! Allei Salli'!”

LUKAS 23:4

Nakanamo Pilatus ri imang-imang kapalaya siagang anjo tau jaia, “Tena sikali kugappa manna se're kasalanna anne taua lampassiratangi nihukkung.”

MATIUS 27:54

Malla'mi komandanna surudadua siagang sikamma surudadu niaka anjagai Isa, ri wattunna nacini' ta'ge'goso' buttaya siagang yangasenna anjo kajarianga. Nakanamo ke'nanga, “Ma'nassa Ana'Na tojeng Allata'ala anne Taua!”

MATIUS 27:19

Ri wattunna ammempo Pilatus anjoreng ri kantoro' pangadelanga nia'mi battu pappasanna bainenna angkana, “Tea' laloko pantama'-tamakki kara-karana antu tau tenaya salana. Nasaba' lanri Iami nakunggappa so'na appakamalla'-malla' dudua, anne alloa.”

MATIUS 27:4

Nakanamo ri ke'nanga, “Dorakama' kubalukangi tau tenaya salanna, sa'genna nihukkung mate!” Appialimi ke'nanga angkana, “Ikatte tena naparallu kijampangi; anjo urusannu kau!”

YESAYA 53:9

Nipasitarawangi siagang tau ja'dalaka; jera'na niaki ri tangnga-tangngana tau kalumanynyanga, manna natale'bakka a'gau' ja'dala', siagang tale'bakai annipu.”

YESAYA 53:3

Nihinai siagang nililiangi, tau tuli sessaya siagang biasaya antanggongi pa'risika. Tena manna sitau ero' anciniki, siagang ikatte tena todong nijampangi.

PAMMUJI 69:4

Akkio'-kiokka' sa'gengku mangngang nakalotoro'mo karro'-karrokku. Paccemi matangku antayangi pannulunNa Allata'alaku.

MARKUS 15:13

A'gorami ke'nanga angkana, “Allei salli'!”

MARKUS 15:15

Lanri eroki napakasannang Pilatus nyawana anjo tau jaia, nalappassammi Barabas. Nampa nasuro taua ancamboki Isa, nampa napassareang nasuro salli'.

LAMPA-LAMPANA 13:28

Manna takkullea ke'nanga anggappa kasalang ri Isa, ampassiratangai nihukkung mate, mingka kammaji napala'na ke'nanga ri Pilatus, sollanna nibuno anjo Isa.