MARKUS 14:57 - KITTA' MATANGKASA'

⁵⁷ Nia' siapa are sa'bi balle-balle ammenteng nakana,

MARKUS 14:57 Referans Kwoze

MARKUS 15:29

Sikamma tau niaka numalo anjoreng napammenggong-menggongi ulunna, siagang nahina-hinai Isa angkana, “He, iKaumi eroka anrumbangi Balla'Na Allata'ala nampa Nupabangung poleang ri makatalluna alloa.

MATIUS 27:40

Nakana ke'nanga, “Ikaumi eroka anrumbangi Balla'Na Allata'ala, na nupabangung poleang ri makatalluna alloa! Punna Ana'naKo Allata'ala, naung maKo mae battu ri antu sallika, na Nupasalama' KalenNu!”

YEREMIA 26:18

“Ri wattunna Hizkia a'jari karaeng Yehuda, Na'bi Mikha battu ri Moresyet napabattui mae ri ra'yaka anne kana battua ri Batara Kaminang Koasaya, angkana, ‘Sion lanipa'jekoi rapang koko, Yerusalem la'jari pannambungang rumbangngang, siagang Bulu' Balla'Na Batara la'jari romangi.’

MARKUS 14:56

Jaimi sa'bi nikio', mingka sangnging sa'bi balle-balle ngaseng, lanri simmara'-maraengi batena assare kasa'biang.

MARKUS 14:58

“Le'baki nalangngere' ikambe anne taua angkana, ‘Eroki Kurumbang anne Balla'Na Allata'ala, napareka rupataua, nampa Kubangung poleang maraenga ri makatalluna alloa, tenaya nasangkamma bate pare'na rupataua.’ ”