MARKUS 14:41 - KITTA' MATANGKASA'

⁴¹ Ri wattunna ammotere' pole Isa ri ke'nanga ri makapintallunna, Nakanamo, “Attinro ngasenginjako siagang ammari-mari ngasenginjako? Angganna'mi! Narapi'mi wattunna nipassareang Ana' Ma'rupataua mae ri limanna tau dorakaya.

MARKUS 14:41 Referans Kwoze

MARKUS 14:35

A'lampami Isa bella-bella sike'de', nampa tassu'ju' naung ri buttaya, appala' doang. Lalang appala' doanNa Napala'mi punna akkulleja teami Naoloi anjo wattu passessaya.

MARKUS 9:31

nasaba' sitabangi Naajara' ana'-ana' gurunNa, “Lanipassareangi Ana' Ma'rupataua mae ri koasana tu linoa, nampa nibuno; mingka ri makatalluna alloa lattallasa' poleangi!” Kammaminjo kananNa Isa.

YOHANES 17:1

Le'baki akkana kamma, accongami Isa nai' ri langika nampa Nakana, “Bapa', kamma-kamma anne narapi'mi wattunna. Kipakala'biri'mi AnatTa, sollanna Napakala'biri' tongKi' AnatTa.

LAMPA-LAMPANA 7:52

Maka nia' na'bi tanisessaya ri boe-boenu? Nabunoi ke'nanga tunisuroNa Allata'ala, le'baka ampabattui riolo dudu angkanaya labattui anjo Ata matojenNa Allata'ala. Na kamma-kamma anne le'ba'mi nupasikongkolang siagang nubuno anjo Ana'Na Allata'ala.

YOHANES 12:27

“Lussa'minne atingKu: apa musti laKupau kamma-kamma anne? Mustika laKukana, ‘Bapa', paliliA' ri kamma-kammaya anne’? Mingka untu' iaminne passessaya naKunia' battu.

YOHANES 12:23

Nakanamo Isa ri ke'nanga, “Narapi'mi wattunna lanipakala'biri' Ana' Ma'rupataua.

YOHANES 8:20

Niaki lalang ri Balla'Na Batara angngajara' wattunna Napau ngaseng anne bicaraya. Anjorengi ri ampi'na patti-patti doe' pakkoro'bangnganga anjo wattua. Mingka tenanniakka manna sitau anjakkalaki Isa, lanri tenapa nanarapiki wattunna.

YOHANES 7:30

Anjo wattua, ero'mi ke'nanga anjakkalaki Isa. Mingka tena tau barani anta'galaki, lanri tenapa narapiki wattunna.

MARKUS 14:18

Lalang ammemponamo ke'nanga angnganre, Nakanamo Isa, “Pilangngeri sai: kala se'rennu, ia niaka kamma-kamma anne angngagangA' angnganre, ampasikongkolangA' sallang.”

MARKUS 14:10

A'lampami kalase'renna battu ri sampuloa anrua ana' gurunNa Isa, iamintu Yudas, mae ri imang-imang kapalaya. Eroki napassareang nabalukang Isa ri ke'nanga.

MARKUS 7:9

Nampa Nakana pole Isa, “Cara'de' sikaliko ansorongbokoi apa Napassuroanga Allata'ala, sollanna akkulle nupakajarre' atorang kalennu.

MATIUS 26:2

“Nuassemmi angkanaya ruangallo mami naallo Lompo Paska, nalaniallemi nipassareang Ana' Ma'rupataua nampa nisalli'!”

YEHEZKIEL 20:39

Nakana Batara Kaminang Tinggia, “He tu Israel, kamma-kamma anne battu ri kau tommami. Patulusu'mi a'gau' dosa anynyomba ri barhala-barhalanu! Mingka u'rangi angkanaya punna le'baki anjo musti mannurukiko ri Nakke siagang tenamo nanura'massi areng matangkasakKu lanri angngerannu passare mae ri anjo barhala-barhalanu.

KATO'BA 11:9

Kasia' baji'mi wattu karungkannu, he ikau tau rungkaya! Rannu mako ilalang lolonu ija. Rupaimi sikamma nakaerokia nyawanu, gaukamma sikontu naniakkanga pa'mai'nu. Mingka u'rangi, Allata'ala niaka ri suruga, langngadeli ngasengi sikontu apa nugaukanga.

2 KARAENG-KARAENG 3:13

Nakanamo Elisa ri karaeng Israel, “Angngapa nuppala' tulung ri nakke? A'lampamako mange appala' tulung ri na'bi-na'bina tau toanu!” Appialimi Yoram angkana, “Tena! Nasaba' Batara anrancanakangi untu' ampassareangi anne ikambe sipattallu mae ri karaeng Moab.”

1 KARAENG-KARAENG 22:15

Battuna Mikha mange ri dallekanna Karaeng Ahab, akkuta'nammi karaenga angkana, “Maka akkulleja' siagang Karaeng Yosafat mange ambunduki Ramot, yareka tena?” Appialimi Mikha angkana, “Bundukimi! Mattantu lammetaki'. LaNasareki' pammetang Batara.”

1 KARAENG-KARAENG 18:27

Ri attangnganamo alloa, appakkaramulami Elia ancau-caui ke'nanga angkana, “Pila' lompo-lompoi sa'rannu appala' doang! Sai iami allata'ala? Gassingka sitabangi nia' nanawa-nawa, yareka mangei atta'mea. Yareka sitabangi a'lampa. Yareka attinroi kapang, na parallu nuronrong!”

HAKING-HAKING 10:14

A'lampamako mange ri anjo rewata-rewata le'baka nupile. Akkio'mako mae ri ke'nanga! Boli'mi kamma naanjo ke'nanga antulungko ri wattu lalannu ri kasukkaranga.”

MARKUS 14:40

Le'baki anjo ammotere'mi pole mange ri ana'-ana' gurunNa. Na Narapikammo pole attinroiji ana'-ana' gurunNa lanri sanna' ta'do'do'na ke'nanga. Jari tanaassengami ke'nanga apa siratang nakana ri Isa.

MARKUS 14:42

Ambangung ngaseng mako, umba ki'lampa. Ciniki: Battumi tau ampasikongkolangiA'!”