MARKUS 14:21 - KITTA' MATANGKASA'

²¹ Lamate memang tojenji Ana' Ma'rupataua sangkamma niaka tattulisi' lalang ri Kittaka. Mingka teai sipato' cilakana tau ampasikongkolangai Ana' Ma'rupataua! Bajikangangi ka'de' tena sikali nale'ba' nianakkang anjo taua!”

MARKUS 14:21 Referans Kwoze

YOHANES 19:28

Naassemmi Isa angkanaya kamma-kamma anne le'ba' ngasemmi, na sollanna a'rupamo apa tattulisika lalang ri Kittaka, Nakanamo, “TurereA'.”

DANIEL 9:24

Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.

PA'JARIANG 3:15

Lasikabirisiko siagang anne bainea. Sossorannu siagang sossoranna latuli simusui. Laniancuruki ulunnu ri sossoranna, nalanukokko' kacunu'na ke'nanga.”

LAMPA-LAMPANA 4:27

Nasaba' memang, a'rappungammi sipa'bicara Herodes, Pontius Pilatus, sikamma tu tenaya naassengi Batara, siagang tu Israel anrinni ri kotaya. A'rappungammi ke'nanga ero' angngewai Isa, Ana' matangkasatTa, le'baka Kiangka' a'jari Karaeng Mappasalama'.

LAMPA-LAMPANA 2:23

Situru' ero' KalenNa, Natappukimi Allata'ala laNapassareang Isa Almasi mae ri kau ngaseng. Na ri wattunna nipassareang mae ri kau ngaseng, nuallemi nubuno, lanri nubalang parekanna nisalli' ri tau ja'dalaka.

MATIUS 26:56

Mingka lakajariang ngaseng memanji anne kammaya, sollanna a'rupamo apa le'baka natulisi' na'bi-na'bia lalang ri Kittaka.” Le'baki anjo, apaji nalari ngasemmo ana'-ana' gurunNa Isa, a'lampa ambokoi.

MATIUS 26:54

Mingka punna kamma anjo, antekammami la'rupa apa le'baka napau Kittaka, angkanaya tena takajarianna anjo ri kamma-kammaya anne?”

ZAKHARIA 13:7

Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,

DANIEL 9:26

Ri kala'busanna anjo jammanga lanibunoi pamimping Napilea Allata'ala, padahala' tena salana. Nampa battumo tantarana sitau karaeng kassaka, na naancuru' kota Yerusalem siagang Balla'Na Batara. Anjo kala'busang jammanga labattui rapang a'ba angngeranga pa'bundukang siagang kaancurang, situru' le'baka Napattantu Allata'ala.

YESAYA 52:14

Riolo jai tau ta'bangka anciniki, nipanraki rupanna sa'genna tenamo nattanja' tau.

PAMMUJI 55:15

Riolo sileporangki' siagang baji', biasaki' siagang assambayang ri Balla'Na Batara.

LUKAS 24:44

Le'baki anjo Nakanamo ri ke'nanga, “Iaminne sikamma passala' le'baka Kupau ri kau ngaseng, ri wattungKu nia'ija assiagang ikau ngaseng. Iamintu angkanaya: sikamma niaka tattulisi' lalang Kitta'-kitta' Musa, Na'bi-na'bia, siagang Pammujia, iamintu ansero kanayai KalengKu, musti kajariang ngasengi.”

LUKAS 22:22

Lamate memangi Ana' Ma'rupataua situru' le'baka Napattantu Allata'ala; mingka cilakami anjo tau ambalukangai KalengKu!”

MARKUS 14:49

Allo-alloKu nia' ri dallekannu angngajara' lalang ri Balla'Na Batara, angngapa natena nujakkalakKa'? Mingka musti kamma memangi anjo kajarianna, sollanna a'rupamo apa niaka tattulisi' lalang ri Kittaka.”

MARKUS 14:20

Appialimi Isa Nakana, “Inai-nai kalase'rennu anne sampuloa anrua angngagangA' a'julu piring angnganre iaminjo taunna.

MARKUS 14:22

Ri wattunna angnganre ke'nanga, angngallemi roti Isa, nampa appala' sukkuru' ri Allata'ala. Le'baki anjo Nabage-bagemi anjo rotia siagang limanNa, nampa Natawa-tawai ana'-ana' gurunNa, na Nakana, “Allemi, siagang kanremi, iaminne pangngebarranna batangkalengKu.”