MARKUS 14:13 - KITTA' MATANGKASA'

¹³ Jari Nasuromi Isa rua ana' gurunNa Nakana, “A'lampa mako mange ri kotaya. Anjoreng nia' sitau bura'ne angngerang bongki niaka je'ne'na lanuagang assibuntulu'.

MARKUS 14:13 Referans Kwoze

IBRANI 5:9

Jari ri le'ba'namo nipa'jari Tumappasalama', a'jarimi patteteang kasalamakkang mannannungang mae ri sikamma tau mannurukia ri Ia;

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.

YOHANES 15:14

Ikau ngasemmi antu passari'battangangKu, punna nugaukangi apa Kuparentakanga ri kau.

MATIUS 8:9

Nasaba' manna inakke amminawang turu' tonja' ri parentana komandang irateangangku. Irawangangku nia' todong siapa are kupimping surudadu, amminawang turuka todong ri parentaku. Punna nia' surudadu kusuro angkana, ‘A'lampako,’ tena ta'lampana. Yareka punna kukana ri maraenganga, ‘Maeko anrinni,’ tena tabattuna mae; kammayatompa punna kuparenta tunisuro-suroku angkana, ‘Gaukangi anne!’ tena tanagaukanna anjo kupassuroanga.”

YOHANES 2:5

Mingka nakanamo amma'Na Isa ri pala'-palayanga, “Gaukang mami apa Napassuroanga ri kau ngaseng.”

MARKUS 14:12

Ri allo makase'rea, ri wattunna Passua'-suarrang Roti Tenaya Nammake Pa'gambang, ammolongi taua gimbala' untu' Paska. Akkuta'nammi ana'-ana' gurunNa Isa angkana, “Kemae Kikellai nipasadia kanre Paskaya untu' iKatte Bapa'?”

MARKUS 14:14

Amminawang mako mange ri balla' napammantangia, na nupauang patanna balla' angkana, ‘Akkuta'nangi Pa' Guru angkana keremae tampa' eroka Napake angnganre Paska siagang ana'-ana' gurunNa.’