MARKUS 13:8 - KITTA' MATANGKASA'

⁸ Se'rea bansa la'bunduki siagang bansa maraenga. Se'rea pa'rasangang lanabunduki pa'rasangang maraenga. Kemae-kemae lata'ge'gosoki buttaya siagang lanaallei taua kacipurang. Na yangasenna anjo nampami pammatei pakkaramulanna kasusaanga siagang sessaya sanrapang pa'risi' nakasiaka tu baine eroka ammana'.

MARKUS 13:8 Referans Kwoze

MATIUS 24:8

Na yangasenna anjo nampami pakkaramulanna, sanrapang tu tianang appisa'ringia ri wattu ero'na lammana'.

YESAYA 37:3

Iaminne pasanna Hizkia napabattua ke'nanga mae ri Na'bi Yesaya, “Anne alloa, allo kasusaang; nihukkungki' siagang nihinaki'. Rapangki' baine erokamo ammana', mingka la'busu'mi kagassinganta.

PAMMUJI 48:6

Mingka nacini'na anjo buluka, lannasa'mi ke'nanga; gegere'mi ke'nanga nampa lari a'lingu-lingu.

PAPPICINI' 6:4

Nampa nia'mo pole jarang maraeng assulu'. Anjo jaranga ejai tanja'na. Pabaena anjo jaranga nisarei koasa ampattaenai passiamakkanga ri lino, sollanna massing sibuno-buno rupataua. Jari nisaremi se're pa'dang lompo.

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

LAMPA-LAMPANA 11:28

Kalase'renna ke'nanga niarengi Agabus. Lanri pangngajara'Na RohNa Allata'ala, natappu riolomi angkanaya lakajariangi sallang ri sikontu linoa kacipurang lompoa. (Na anjo napakkanaya kajariang tojemmi ri wattunna Karaeng Klaudius ammarenta.)

ZAKHARIA 14:13

Ri anjo alloa laNapa'jari lingui Batara sikamma anjo bansa-bansaya siagang a'jari sanna' malla'na ke'nanga, sa'genna tunggala' taua lanajakkalaki aganna niaka ri sa'rinna na nabuccu'.

HAGAI 2:22

sikamma kakaraenganga laKurumbangi siagang Kuancuru' kakoasanna ke'nanga. Kareta-kareta bundu'na siagang paeranna laKuparateangi bangkenna; sikontu jaranga lamate kabusuki siagang pabaena lamassing sibuno-bunoi.

YEREMIA 50:43

Nalangngere'na anjo kabaraka, lammami nasa'ring karaeng Babel. Nibattuimi ri malla', siagang pa'risi'mi nasa'ring kamma baine eroka ammana'.

YEREMIA 49:24

Pandudu'na Damsyik a'jari lammai, siagang lari napakamma malla'. Pa'risiki nasa'ring kalenna siagang sessai rapang baine eroka ammana'.

YEREMIA 25:32

Nakana Batara Kaminang Koasaya, “Battu ri cappa'-cappa'na buttaya a'gamarrung anging lompoa; bala lompo antujui bansaya tasse're-se're.”

YEREMIA 22:23

Amangko ammantang nitammulili ri benteng camara Libanon, mingka sallang punna natuju mako kapa'risang, lasessa mako rapang baine eroka ammana'.”

YEREMIA 13:21

Apa lanukana sallang punna sikamma tau nupare' aganga ambetako siagang angkoasaiko? Tantu lapa'risiki nusa'ring rapang baine eroka ammana'.

YEREMIA 6:24

Nalangngere'na anjo kabaraka, naummi sumanga'na pandudu' Yerusalem. Nibattuimi ri malla', siagang sessami pakkasia'na ke'nanga rapang baine eroka ammana'.

YESAYA 19:2

Nakana Batara, “LaKupa'jari pa'bundukanga ri para tussari'battanga ri Mesir: Sari'battang ambaliangi sari'battanna, siampi' balla'na ambaliangi siampi' balla'na, kota se'reanga ambaliangi kota maraenganga siagang kakaraengang se'rea ambaliangi kakaraengang maraengannaya.

YEREMIA 4:31

Allangngereka' sa'ra kunrareng rapang baine eroka ammana'; rapang baine lolo allassukanga ana' bungasa', kammaminjo karru'na Yerusalem siagang sukkara'na a'mai'. Akkaeng-kaengi limanna nakkunrareng, angkana, “Bala kugappa – lanibunoa' ri musua!”

2 PATTOTTORANG 15:6

Bansa se'reanga najallakkangi bansa maraenga, siagang kota se'reanga najallakkangi kota maraenga, lanri appabattui Allata'ala karicuang lompo mae ri ke'nanga.

YESAYA 29:6

LaNapakabebasaki Batara Kaminang Makoasaya anjo kotaya siagang anging lompo kammayatompa Napata'ge'goso' lompoi buttaya. Lappabattui anging kancang siagang pepe' a'jalloka rinrana.

MARKUS 13:7

Punna nia' nulangngere' sa'ra pa'bundukang, yareka kabara' pa'bundukang, teako mallakki. Yangasenna anjo lakajariang memangi, mingka tanarapikapi wattu kiamaka.

MARKUS 13:9

Paralluko tutu, nasaba' lanijakkalakko siagang lanire'resangko mange ri pangadelang agamaya. Laniba'jiko lalang ri balla' sambayanga. Lanierangko mange ri dallekanna tau koasaya siagang kara'-karaenga, passabakkang amminawangko ri Nakke. Na iaminjo la'jari kasampatang ri kau untu' la'jari sa'bingKu mae ri ke'nanga.