MARKUS 13:6 - KITTA' MATANGKASA'

⁶ Nasaba' lajai tau battu ambalukangi arengKu na nakana, ‘Inakke minne!’ Sa'genna jai tau natipu.

MARKUS 13:6 Referans Kwoze

MARKUS 13:22

Nasaba' lania' sallang battu tumappasalama' balle-ballea siagang na'bi-na'bi balle-ballea. Lanapappicinikangi ke'nanga gau'-gau' appakalanna'-lannasaka sollanna akkulle annipu, na punna akkulle manna umma'Na Allata'ala lanatipu todong.

1 YOHANES 4:1

Sikamma sari'battangku sannaka kukarimangnginna! Teako patappa' ngasengi tau nakanaya niaki RohNa Allata'ala ri kalenna; mingka pilajari rolong baji'-baji' sollanna akkulle nuasseng angkanaya roh battu kemae anjo niaka ri ke'nanga: Roh battuka ri Allata'ala yareka teai. Nasaba' kamma-kamma anne jai na'bi balle-balle a'jappa mange-mange.

YOHANES 8:24

Lanri kammana minjo naKukana ri kau ngaseng, angkanaya lamate ngasengko lanri dosa-dosanu. Na memang lamateko lanri dosa-dosanu punna tena nutappa' angkanaya, ‘INakkeminne nikanaya INAKKE NIA'.’ ”

YOHANES 5:43

Lalang koasaNa Allata'ala naKubattu, mingka taerokako antarimA'. Mingka punna nia' tau battu lalang areng kalenna, ero'jako antarimai.

MATIUS 24:11

Jai na'bi patipu lantipui tau jaia.

MATIUS 24:5

Nasaba' lajai sallang tau battu ambalukangi arengKu nakana, ‘Inakke minne Karaeng Mappasalamaka!’ Jaimi tau lanatipu ke'nanga.

YEREMIA 14:14

Mingka appialimi Batara angkana, “Anjo na'bi-na'bia kabara' balle-balle naerang na nabalukang arengKu; tena naKusuroi ke'nanga, siagang tena todong Kuparentakangi ke'nanga yareka a'bicara mae ri ke'nanga. Anjo sikamma paccini' nacaritaya ke'nanga teai battu ri Nakke; nabotoi ke'nanga apa-apa tenaya matu-matunna siagang napare'-pare' kalennai ke'nanga.

MARKUS 13:5

Appialimi Isa Nakana, “Tutu laloko, sollanna tena nitipuko.

MARKUS 13:7

Punna nia' nulangngere' sa'ra pa'bundukang, yareka kabara' pa'bundukang, teako mallakki. Yangasenna anjo lakajariang memangi, mingka tanarapikapi wattu kiamaka.

YOHANES 8:28

Jari Nakanamo Isa ri ke'nanga, “Punna nipakatinggimi sallang Ana' Ma'rupataua, lanuasseng ngasemmi angkanaya, ‘INakkeminne nikanaya INAKKE NIA'.’ Siagang lanuassemmi angkanaya tena manna sirupa apa Kugaukang lanri ero' KalengKu. Mingka poro apa battuaji bawang ri Manggea Kupangngajarrang.