MARKUS 13:34 - KITTA' MATANGKASA'

³⁴ Pangngebarranna lasangkammai tau a'lampaya ambokoi balla'na nampa mange ri se'reang pa'rasangang bella. Nasuroi palayang-palayanna angngurusuki balla'na, siagang massing nasarei jama-jamang. Pajaga pakke'bu'na napasangi sollanna a'jaga baji'-baji'.

MARKUS 13:34 Referans Kwoze

YOHANES 10:3

Lanisungkeangi timunganga ri pajagana anjo baraya; siagang punna nakioki massing arenna anjo gimbalaka, lanipinawangi sa'ranna, nampa naerang ke'nanga assulu'.

KOLOSE 3:24

U'rangi angkanaya langgappako pahala battu ri Batara. Apa Napasadiaya Batara untu' umma'Na, iaminjo laNapassareang mae ri kau. Nasaba' pinggawa sitojennaya nulayani kamma-kamma anne, iamintu KalenNa Almasi.

1 KORINTUS 15:58

Lanri kammana, sari'battangku ngaseng sannaka kukamaseanna, pakkassakangi siagang pakajarreki kalennu. Attojeng-tojeng mako tuli anjama untu' Batarata, lanri nuassemmi angkanaya tena nala'jari sia-sia sikamma apa nugaukanga untu' Batarata.

MATIUS 16:19

LaKupassareangi ri kau konci Lino BeruNa Allata'ala. Apa nupappisangkanga ri linoa, nipappisangkang tongi ri suruga. Siagang apa nupattojenga ri linoa, lanipattojeng tongi ri suruga.”

PAPPICINI' 3:7

“Untu' mae ri malaeka'na jamaah ri Filadelfia, tulisiki kamma anne: Iaminne pappasang battu ri Ia matangkasaka siagang kontutojenga. Iami anta'galaki konci battua ri Daud; punna Nasungkei pakke'buka, tena manna sitau akkulle antongkoki, siagang punna Natongkoki, tena manna sitau akkulle ansungkei.

KOLOSE 4:1

Ikau ngaseng a'jari pinggawaya! Paralluko a'gau' tojeng siagang adele' mae ri palayang-palayannu. U'rangi angkanaya nia' todong se're pinggawanu ri suruga.

ROMA 13:6

Lanri kammana tommi anjo nanua'bayara' sima; nasaba' anjo pamarentaya pagaweNa Allata'ala ampajappayai anne tugasa'na memang.