MARKUS 13:26 - KITTA' MATANGKASA'

²⁶ Anjo wattua lania'mi nicini' battu Ana' Ma'rupataua ri tompo'na rammanga lalang koasa malompoa siagang kala'biranNa.

MARKUS 13:26 Referans Kwoze

PAPPICINI' 1:7

Ciniki, niakI battu lalang ri rammanga! Sikontu rupataua lanacini' ngasengI, kammayatompa tau le'baka antobokI poke. Lanri Iami nalappiraung ngaseng sikontu bansa-bansaya ri lino. Mattantu kammana! Aming!

MARKUS 14:62

Appialimi Isa Nakana, “INakke minne, na lanuciniki sallang Ana' Ma'rupataua ammempo ri sa'ri kananNa Allata'ala Kaminang Makoasaya, siagang lanaung battu ri langika ri tompo'na rammanga!”

MATIUS 24:30

Le'baki anjo lammumbami rate ri langika pammatei kabattuanNa Ana' Ma'rupataua. Na anjo wattua langngarru' ngasemmi sikontu bansa-bansa niaka lalang lino. Lanacini'mi ke'nanga battu Ana' Ma'rupataua ri tompo'na rammanga, lalang koasaNa siagang kala'birang malompoNa.

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

MATIUS 25:31

“Punna battu sallang Ana' Ma'rupataua a'jari Karaeng siagang nirurungang ri sikontu malaeka'Na, lammempomi irate ri empoang kala'biranNa.

MARKUS 8:38

Punna nia' tau siri'-siri' angngakuiA' siagang pangngajarangKu ri anne jammang sannaka dorakana siagang ja'dala'na, tena todong Naero' Ana' Ma'rupataua angngakui sallang punna battui siagang koasaNa ManggeNa, nirurungang ri malaeka'-malaeka' matangkasa'Na.”

1 TESALONIKA 4:16

Punna sallang naung KalenNa Isa battu ri suruga, lakkio' lompoi malaeka' lompoa siagang lanipasa'rai tarompe'Na Allata'ala untu' a'jari pammatei. Nampa nipabangung la'bi riolo tu Karistenga.

LAMPA-LAMPANA 1:11

Nakanamo anjo tau ruaya, “E, ikau ngaseng tu battua ri Galilea, angngapa nummantang bawang antureng acconga nai' ri langika? Anjo Isa, nucinika ta'angka' nai' ri suruga, labattu poleangi sallang lalang kala'biranNa, sangkamma la'biri'Na ri wattunna nucini' nai' ri suruga sumpadeng.”

MATIUS 16:17

Nakanamo Isa, “Upa' sikaliko kau Simon ana'na Yona! Nasaba' teai rupataua ampauangko anne, mingka ManggeKu ri suruga.

MATIUS 16:28

U'rangi anne! Ri alla'nu anne hadereka anrinni, nia' talamateapi punna tenapa naciniki Ana' Ma'rupataua battu poleang a'jari Karaeng.”

MARKUS 9:1

Nakana Isa, “Assemmi angkanaya, ri alla'nu anne niaka anrinni kamma-kamma anne, nia' tena nalamate, ri wattu tenanapa naciniki Allata'ala ammarenta siagang kakoasanNa!”

LUKAS 21:27

Iaminjo wattua Nalabattu Ana' Ma'rupataua lalang ri rammanga siagang kakoasang na kala'birang malompoNa.

2 PETRUS 1:16

Ri wattunna kipabattu mae ri kau antekamma mala'biri'na kabattuanNa Batarata Isa Almasi, tena nakituruki carita kosong battua ri rupataua. Anjo kala'biranNa Almasi mata kalennami ikambe le'ba' anciniki.