MARKUS 12:5 - KITTA' MATANGKASA'

⁵ Nasuromi pole sitau palayanna maraenga anjo patanna koko. Mingka nabunomi ke'nanga anjo palayanga. Na kammaminjo tuli nagaukang ke'nanga mae ri palayang maraenga: nia' naba'ji, na nia' todong nabuno.

MARKUS 12:5 Referans Kwoze

LUKAS 6:36

Paralluko lompo pangngamaseang sangkamma Manggenu lompo pangngamaseangi.”

MARKUS 9:13

Mingka Kupauang ngaseng mako anne angkanaya: Nia'mi battu Elia, nasangka' rupa nigaukangi ri ke'nanga. Sicoco'mi siagang apa le'baka tattulisi' lalang ri Kittaka anjo apa kajarianga ri kalenna.”

MATIUS 23:37

“O Yerusalem, O Yerusalem! Kau ambunoi na'bi-na'bia. Nusambilai batu sikamma tunisuroNa Allata'ala sa'genna mate. A'mole-moleMa' ero' anraka' ngasengko sanrapang anrong janganga ancokkoi ana'-ana'na irawangang ka'nyi'na. Mingka tena ngaseng nuero'!

MATIUS 22:6

ba'lalo nia' tommo anjakkalaki anjo pala'-palayanna nasuroa Karaenga, naallei naba'ji, nampa nabuno.

MATIUS 5:12

Kasukkurangi siagang karannuangi, nasaba' lompoangangi pahala lanutarimaya sallang battu ri Allata'ala. Kamma tomminjo batena nisessa na'bi-na'bi le'baka battu rioloangannu.”

NEHEMIA 9:30

Attaung-taungKi' sa'bara' ampakaingaki; tete ri sikamma na'bia, nama'bicara RohTa ri ke'nanga. Mingka natongkoki tolinna ummatTa, jari Kipassareammi ke'nanga mae ri bansa-bansa sikamma pa'rasangang.

MARKUS 12:4

Jari nasuromi pole palayanna maraenga anjo patanna koko. Mingka napalu-paluimi pajamaya ulunna anjo palayanga, nampa nabongka a'lampa siagang napakka'-pakkanai.

MARKUS 12:6

Inai mami akkulle nasuro kamma-kamma anne anjo patanna koko? Sitau mami ammantang, iamintu ana' kalenna, sannaka nakamaseanna. Jari kala'busanna nasuromi anjo ana' kalenna mange anjoreng ri pajama-pajamaya. Napikkiriki anjo patanna koko nakana, ‘Mattantu lanapakala'biriki anakku.’