MARKUS 12:44 - KITTA' MATANGKASA'

⁴⁴ Nasaba' anjo ke'nanga palla'bi-la'biannaji battu ri pa'barang-baranganna napassareang. Mingka anjo jandaya, manna nakasi-asi, mingka napassareang ngasemmi apa-apa niaka ri ia, sannaka naparalluina untu' katallassanna.”

MARKUS 12:44 Referans Kwoze

1 YOHANES 3:17

Punna nia' tau angkammai pa'barang-baranganna linoa, nampa nacini' paranna tau kakurangang, mingka taerokai antulungi anjo paranna tau, antekamma lakkulle nikana nakamaseangi Allata'ala?

MARKUS 14:8

Anne bainea le'ba'mi nagaukang apa akkullea nagaukang. Lanri naminynya'-minynyakingKu, napasadiaMa' lanitarawang genteng tenanapa narapiki wattunna.

PAOLE 24:6

Punna assareko angnginrang apa-apa mae ri parannu tau, teako allei batu panggilingang gandunna anjo taua a'jari boro'. Punna nuallei batu panggilinganna anjo taua, nurampasa'mi pakkakasa' naparalluanga kaluargana anjo taua ansambungi katallassanna.

LUKAS 15:30

Anjo anatta le'ba'mi napa'la'bu'-la'busu' barang-baranta siagang bai'-baine a'gau' salaya. Mingka sikalinna ammotere', ba'lalo kipammolongangi sapi rungka siagang co'moka!’

LUKAS 15:12

Nakanamo ana'na bungkoa ri Ia, ‘O, Bapa', sareamma' nakke tawaku kamma-kamma anne battu ri pa'barang-baranganta.’ Jari nabagemi pa'barang-baranganna anjo taua mae ri anjo ruaya ana'na.

LUKAS 8:43

Nia' tommo ri alla'na ke'nanga sitau baine; anjo bainea sampulomi anrua taung garring nalari cera'. La'busu'mi barang-baranna napangngongkosang mae ri dottoroka, mingka tena manna sitau akkulle amballei.

MARKUS 12:43

Nakio'mi ana'-ana' gurunNa Isa nampa Nakana ri ke'nanga, “Parhatikangi anne: Anjo janda kasi-asia jaiangangi napantama' passidakka ri anjo pammoneang passidakkaya kala yangasenna anjo tau maraenganga.