MARKUS 12:36 - KITTA' MATANGKASA'

³⁶ Na kalenna Daud, lanri pangngajara'Na RohNa Allata'ala, le'baki angkana, ‘Nakana Batara ri Bataraku: Ammempoko ri sa'ri kanangKu Sa'genna Kusuro ngaseng balinNu akkulantu' ri dallekanNu.’

MARKUS 12:36 Referans Kwoze

PAMMUJI 110:1

Pammujina Daud. Nakana Batara ri karaengku, “Ammempoko ri sa'ri kanangKu, sa'genna Kupatundu' ngaseng sikamma musunnu.”

IBRANI 1:13

Tena le'bakai Allata'ala akkana kamma anne mae ri se'reang malaeka', “Maeko ammempo ri sa'ri kanangKu, sa'genna Kusuro ngaseng akkulantu' sikontu musunnu ri dallekannu.”

1 KORINTUS 15:25

Musti ammarenta tuli Almasi sa'genna nipasomba ngaseng ri Allata'ala sikontu musunNa Almasi ri dallekanNa Almasi.

LAMPA-LAMPANA 1:16

“Sikamma sari'battangku ngaseng! Apa niaka tattulisi' lalang ri Kittaka, musti kajariang ngasengi. Riolo, Napau memammi RohNa Allata'ala lalang ri kalenna Daud ri passala'na anjo Yudas, le'baka ampimpingi taua battu anjakkalaki Isa.

NEHEMIA 9:30

Attaung-taungKi' sa'bara' ampakaingaki; tete ri sikamma na'bia, nama'bicara RohTa ri ke'nanga. Mingka natongkoki tolinna ummatTa, jari Kipassareammi ke'nanga mae ri bansa-bansa sikamma pa'rasangang.

2 SAMUEL 23:2

Le'baki mangkana RohNa Batara tete ri nakke; pasang siagang passuroNa niaki ri muncengku.

2 PETRUS 1:21

Nasaba' tale'bakai nia' tau angkana battu ri ero' kalenna nakkulle napabattu biritta battua ri Allata'ala ri passala'na anjo apa-apa lakajarianga. Yangasenna anjo taua nikoasai ri Roh KalenNa Allata'ala ri wattunna Napabattu anjo biritta battua ri Allata'ala.

1 PETRUS 1:11

Nasalidikimi ke'nanga angkanaya antekamma siagang ringngapanna nalakajariang anjo passalaka, iamintu Napakkanaya RohNa Almasi niaka lalang ri kalenna ke'nanga. Anjo wattua napau la'bi riolomi RohNa Almasi mae ri ke'nanga passala'na kasessang laNakasiaka Almasi siagang kala'biranNa la'nyataya ribokoanganna anjo.

IBRANI 4:7

Nasaba' le'ba'mi Napattantu Allata'ala se'reang allo maraeng pole, ia nikanaya, “Anne Alloa.” Attaung-taung ribokoanganna Nabicarai Allata'ala anjo passalaka tete ri Daud, iami antu lalang aya' le'bakamo nipau sumpadeng, angkanaya, “Punna nulangngere' sa'ranNa Allata'ala anne alloa, teako tamappilangngeri.”

2 TIMOTIUS 3:16

Sikontu apa tattulisika lalang ri Kittaka, nisingari ri Allata'ala, siagang lompoi matu-matunna untu' ampangngajarrangi apa tojenga, untu' appakainga' siagang untu' ampannabai apa salaya, siagang untu' angngajaraki taua sollanna attallasa' situru' ero'Na Allata'ala.

LAMPA-LAMPANA 28:25

Ri wattunna a'lampa ngasemmo ke'nanga ambokoi anjo tampaka massing sisalami panggappana ke'nanga. Nasaba' nakana Paulus mae ri ke'nanga, “Memang annaba sikali apa le'baka Napau RohNa Allata'ala lalang ri Na'bi Yesaya mae ri boe-boenu!

MATIUS 5:35

yareka lanri buttaya, nasaba' anjo buttaya pa'dongkokang bangkenNa Allata'ala; yareka lanri Yerusalem, nasaba' anjo kotaya, kota kalompoanNa Karaenga.