MARKUS 12:17 - KITTA' MATANGKASA'

¹⁷ Nakanamo Isa, “Punna kamma, sareangi Karaenga apa-apanna Karaenga, siagang sareangi Allata'ala apa-apanNa Allata'ala.” Lannasa'mi ke'nanga allangngereki anjo pappialinNa Isa.

MARKUS 12:17 Referans Kwoze

ROMA 13:7

Jari bayaraki mae ri pamarentaya apa siratanga nubayara' ri ia. A'bayarakko sima punna siratangko a'bayara' sima; siagang a'bayarakko sussung punna siratangko a'bayara' sussung. Musti nubilang lompoi tau siratang nubilang lompo siagang musti nupakala'biriki tau siratanga nupakala'biri'.

1 PETRUS 2:17

Anggara' baji' ngasengi taua, siagang kamaseangi sari'battang parannu tu Karisteng. Mallakko mae ri Allata'ala, siagang pakalompoi Kapala pamarentahanga.

ROMA 6:13

Tea tongko passareangi tubunu mae ri kakoasanna dosaya nanipake anggaukangi kaja'dallanga. Passangalinna passareangi kalennu mae ri Allata'ala, a'jari tau le'bakamo nipalette' battu ri kamateanga mae ri katallassanga. Passareangi sikontu batangkalennu mae ri Allata'ala, sollanna nipakei anggaukangi ero'Na Allata'ala.

PANGNGEBARANG 24:21

Ana', mallakko ri Batara, siagang pakalompoi karaenga. Teako katuru'-turukangi mae ri tau angngewayai ke'nanga.

ROMA 12:1

Sikamma sari'battangku! Sanna' baji'Na Allata'ala mae ri katte. Iaminjo saba'na nakupala' dudu ri kau ngaseng sollanna nupassareang sikontu batangkalennu a'jari koro'bang attallasa', siagang matangkasaka, kammayatompa nikarannuanga ri atinNa Allata'ala. Mustina kammaminjo caranu anynyomba mae ri Allata'ala.

MATIUS 22:46

Manna sitau tenamo akkulle appiali ri Isa. Na appakkaramula anjo alloa tenamo manna sitau barani akkuta'nang apa-apa mamo ri Isa.

MATIUS 22:22

Nalangngere'na ke'nanga pappialinna Isa, a'jari lannasa' sikalimi ke'nanga. A'lampami ke'nanga ambokoi Isa.

MALEAKHI 1:6

Nakana Batara Kaminang Koasaya mae ri sikamma imanga, “Se'rea ana' napakalompoi manggena, siagang se'rea palayang napakalompoi karaenna. INakke anne Manggenu ngaseng; mingka apa saba'na natena nupakalompoA'? INakke anne pinggawanu; mingka angngapa natena numalla' mae ri Nakke. Nuhina-hinaiA', mingka akkuta'nangko angkana, ‘Antekamma batena ikambe anghinaKi?’

MARKUS 12:30

Kamaseangi Karaeng Allata'alanu ilalang sitepu atinnu, siagang sitepu pa'mai'nu, siagang sitepu akkala'nu, kammayatompa sitepu pakkullenu.’

MATIUS 22:33

Nalangngere'na tau jaia akkana kamma Isa, lannasa' ngasemmi ke'nanga ri pangngajaranNa.

PANGNGEBARANG 23:26

Parhatikangi baji'-baji', siagang contoi tallasa'na, ana'!

MATIUS 8:10

Nalangngere'na Isa kananna anjo perwiraya, teaimi sipato' lannasa'na. Nakanamo ri sikamma tau niaka amminawang ri Ia, “Teai sipato' anne taua. Tenanniakkapa le'ba' Kubuntulu' tau lompo kammaya anne tappa'na ri alla'na tu Israel!

MATIUS 22:21

Appialimi ke'nanga angkana, “Karaenga pata gambara' siagang areng.” Nakanamo Isa ri ke'nanga, “Jari punna kamma, sareammi Karaenga apa napatanga Karaenga; nanusareang Allata'ala apa Napatanga Allata'ala.”

MARKUS 12:16

Nasaremi ke'nanga Isa se're doe' pera'. Nampa akkuta'nammi Isa Nakana, “Inai pata gambara' siagang areng anne?” Appialimi ke'nanga angkana, “Karaenga.”

LUKAS 20:25

Nakanamo Isa ri ke'nanga, “Punna kamma, sareangi Karaenga apa napatanga Karaenga, siagang sareangi Allata'ala apa Napatanga Allata'ala.”