MARKUS 12:14 - KITTA' MATANGKASA'

¹⁴ Battumi ke'nanga mae ri Isa nakkuta'nang angkana, “Bapa' Guru, naassengi kambe angkanaya iKatte tau lambusukKi', siagang manna inai tena Kijampangi panggappana. Punna angngajarakKi' Kipaui silambusu'na apa ero'Na Allata'ala mae ri rupataua. Tena kimmile-mile tau. Jari Kipau sabeki ri kambe, ‘Manuru' ri atoranna agamata, maka akkulleji taua a'bayara' sima mae ri Karaenga yareka tena? Apaka musti nibayaraki anjo simaya yareka tena?’ ”

MARKUS 12:14 Referans Kwoze

1 TESALONIKA 2:4

Teai kammaya anjo! Tena na'bicara ikambe lanri ero'na napakasannang nyawana taua, passangalinna lanri ero'na ikambe ampakasannangi atinNa Allata'ala, angngassengai atinna ikambe. Nasaba' Iami assarei pangngellai ikambe untu' ampa'la'bangi anjo Kabara' Bajika.

GALATIA 2:6

Mingka manna nakamma, tena apa-apa maraeng lakkulle napala' tau nipakala'birika mae ri nakke – untu' inakke tena simmaraenna tau nipakala'birika yareka tena, nasaba' tena Napasimmara'-maraengi Allata'ala rupataua.

GALATIA 1:10

Punna kamma, gassingka nukana kuminasai sollangku niakui ri rupataua? Tena sikali! Allata'ala bawang kuminasai angngakuia'. Maka erokkuji ningai ri rupataua nakualle pa'mai'na? Punna kamma anjo bateku, teaiya' tunisuroNa Almasi.

2 KORINTUS 5:16

Lanri kammanami anjo, nataerokamo ikambe ambakuki se'rea tau situru' pa'baku'na rupataua. Memang, le'baki ikambe ambakuki Almasi situru' pa'baku'na rupataua, mingka kamma-kamma anne tenamo.

2 KORINTUS 5:11

Naassemmi ikambe angkana apa battuanna nikanaya malla' mae ri Batara; iaminjo saba'na nausahamo ikambe ampakatappaki taua ri sesena kalenna ikambe. Baji' niassenna ikambe ri Allata'ala, naminasai sollanna nanuasseng todong ikambe lalang ri atinnu ngaseng.

2 KORINTUS 2:17

Ikambe tena kisangkamma taua, ampare' kammai danggangang biritta battua ri Allata'ala. Ikambe ci'nongi pattujunta, nasaba' Allata'ala assareki' jama-jamang. Siagang KalenNa Allata'ala anciniki angkanaya nipa'jari atanNami Isa kalenta ampabattui anjo birittaya.

2 KORINTUS 2:2

Nasaba' punna kupakasi'na pa'mai'nu, inaimi lakkulle ansaleoria', punna teai anjo tau le'baka kupakasi'na pa'mai'na?

YOHANES 7:18

Inai-nai assare pangngajarang battu ri kalenna, anjo tau kammaya kala'birang untu' kalenna naboya. Mingka inai a'boya kala'birang untu' Ia anjo assuroai, anjo tau kammaya tau lambusu', tena balle-balle lalang ri kalenna.

ROMA 13:6

Lanri kammana tommi anjo nanua'bayara' sima; nasaba' anjo pamarentaya pagaweNa Allata'ala ampajappayai anne tugasa'na memang.

LUKAS 23:2

Anjoreng ri dallekanna Pilatus, nitudumi Isa ri ke'nanga. Nakana ke'nanga, “Anne taua nirapikangi Napasala oloangi ra'yaka. Naajara' salai taua sollanna tena naero' taua a'bayara' sima ri Karaenga, lanri Nakanana KalenNa Iami Almasi, Karaenga.”

LUKAS 20:22

Jari Kipau sabeki ri kambe, angkanaya, maka akkullei taua a'bayara' sima mae ri karaenga yareka tena, situru' atoranna agamata?”

MARKUS 14:45

Ri wattunna battumo Yudas, mangemi ri Isa na nakana, “O Bapa' Guru!” nampa nabau.

MATIUS 22:17

Lanri kammana, Kipausai bedeng: Manuru' atoranna agamata, maka siratangki' a'bayara' sima ri Karaenga yareka tena?”

MIKHA 3:8

Mingka ri sesena anne inakke, Nasarema' Batara RohNa siagang koasaNa. Nasarea' pammahang ri passala'na kaadelanga, kammayatompa kabaraniang untu' ampaui mae ri tu Israel dosa-dosa le'baka nagaukang ke'nanga.

YEREMIA 42:20

angkanaya le'ba' mako appare' kasalang lompo. Nupalaki sollangku appala' doang mae ri Karaeng Allata'alata untu' ikau ngaseng, siagang a'janjiko untu' anggaukangi sikontu apa Napaua Batara.

PAMMUJI 120:2

O, Batara, pasalamaka' battu ri paballe-ballea siagang patipua.

PAMMUJI 55:21

Le'ba' belaku nabunduki agang-aganna, nakaluppai janjinna.

NEHEMIA 9:37

Sikontu wassele' nigappaya ri anne buttaya musti nipassareangi mae ri sikamma karaenna pa'rasangang. Sikamma anjo tukoasaya Kiangkaki irateanna ummatTa, a'jari hukkungang dosana ikambe mae ri Katte. Ammarentai ke'nanga ri ero'-ero' pa'mai'na mae ri kambe siagang olo'-olo' piarana ikambe. Lanri kammana minjo nasessamo ikambe, sangnging pa'risi' siagang kasusaang nikasia'!”

2 PATTOTTORANG 19:7

Musti mallakko ri Batara, siagang tutuko lalang annappuki, lanri anjo Karaeng Allata'alata nakabirisi tau a'gau' jekkonga, tau battala' sialia ri se'reang kara-kara, siagang tau annarimaya doe' pacoco'.”

2 PATTOTTORANG 18:13

Mingka appialimi Mikha angkana, “Lanri Batara mattallasaka, inakke iaji bawang lakutappu apa Napaua Allata'ala mae ri nakke!”

PAOLE 16:19

Punna angngalle kaputusang ke'nanga, takkulleai ke'nanga appaero'-ero' kalenna yareka takkulleai battala' siali. Takkulleai ke'nanga annarima passare nipacoco', lanri anjo passare kammaya napa'jari butai taua, ba'lalo manna tau cara'deka siagang tau lambusuka, sa'genna tena naadele' batena ke'nanga angngalle kaputusang.

2 KORINTUS 4:1

Lanri pangngamaseanNa Allata'ala nakkulle nagaukang ikambe anne jama-jamanga. Iaminjo saba'na natena natappu' panrannuang ikambe.

MATIUS 22:16

Nasuromi ana'-ana' gurunna ke'nanga mange ri Isa. A'rurummi ke'nanga siagang ana'-ana'na Herodes. Battui mange ri Isa, angkanami ke'nanga, “O Guru, niassemmi angkanaya iKatte tau lambusukKi'. Apa ero'Na Allata'ala Kipangngajarrammi silambusu'na ri sikamma taua. Manna pole inai tena Kijampangi antekamma panggappana. Nasaba' iKatte tena Kimmile-mile tau.

MARKUS 12:13

Nia' siapa are tu Farisi siagang siapa are taunna Herodes nisuro mae akkuta'nang ri Isa, ero' napa'boyang kasalang.

MARKUS 12:15

Mingka Naassengi Isa angkanaya munapeki ke'nanga. Jari appialimi Isa Nakana, “Angngapa nuero' ampa'boyangA' kasalang? PicinikiangsA' se're doe' pera'.”