MARKUS 12:13 - KITTA' MATANGKASA'

¹³ Nia' siapa are tu Farisi siagang siapa are taunna Herodes nisuro mae akkuta'nang ri Isa, ero' napa'boyang kasalang.

MARKUS 12:13 Referans Kwoze

LUKAS 11:54

Nalalang kammana anjo napilangngeri baji'-baji'mi ke'nanga sollanna akkulle najakkala' kananNa Isa punna sala bicarai.

MARKUS 3:6

A'lampami tu Farisia ambokoi anjo balla' sambayanga. Nampa assikongkolo' siagang siapa are ana'-ana'na Herodes, ero' ambunoi Isa.

MARKUS 8:15

Nakana Isa ri ke'nanga, “Tutuko ri pa'gambanna tu Farisia siagang pa'gambanna Herodes.”

MATIUS 16:6

Nakanamo Isa ri ke'nanga, “Tutuko ri pa'gambanna tu Farisia siagang tu Sadukia.”

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

YESAYA 29:21

tau nangaia ampitinai paranna tau, tau ampappisangkangai nihukkung tau ja'dalaka, siagang tau appa'la'banga carita-carita balle-balle sollanna tanggappaya kaadelang tau lambusuka.

PAMMUJI 140:5

O, Batara, Kijagaia' battu ri koasana tau ja'dalaka, jagaia' battu ri tau anggaukangai katerassanga eroka antu'guranga'.

PAMMUJI 38:12

A'lili ngasemmi bela-belaku lanri garringku, ba'lalo bija pammanakangku bella ngasemmi ri nakke.

MARKUS 12:14

Battumi ke'nanga mae ri Isa nakkuta'nang angkana, “Bapa' Guru, naassengi kambe angkanaya iKatte tau lambusukKi', siagang manna inai tena Kijampangi panggappana. Punna angngajarakKi' Kipaui silambusu'na apa ero'Na Allata'ala mae ri rupataua. Tena kimmile-mile tau. Jari Kipau sabeki ri kambe, ‘Manuru' ri atoranna agamata, maka akkulleji taua a'bayara' sima mae ri Karaenga yareka tena? Apaka musti nibayaraki anjo simaya yareka tena?’ ”