MARKUS 12:10 - KITTA' MATANGKASA'

¹⁰ Tantu le'ba'mi nubaca anne aya' niaka ri Kittaka angkanaya, ‘Batu tenaya napakei tukang-tukang batua a'jarimi batu majarre'na bangunanga.

MARKUS 12:10 Referans Kwoze

MATIUS 21:42

Jari Nakanamo Isa ri ke'nanga, “Tale'bakapi nubaca niaka tattulisi' lalang ri Kittaka angkanaya, ‘Batu tenaya napakei tukanga a'jarimi batu panjarreki. Iaminne Napareka Allata'ala; natamaka ga'gana!’ ”

YESAYA 28:16

Lanri kammana anjo, kammaminne kananNa Batara Kaminang Tinggia, “LappadongkoKa' batu pa'dongkokang majarre' siagang makassa' ri Sion; se're batu pundasi ia ka'jalaka ballinna, niaka tulisanna angkana: ‘Inai-inai jarre' tappa'na, tena nalanibeta.’

ROMA 9:33

Ri sesena anjo batua, nia' tattulisi' lalang ri Kittaka angkana, “U'rangi baji'-bajiki anne: Ri Sion nia' batu le'ba' Kuboli', la'jari sabaka natatto'ro taua; iamintu se're batu lompo, la'jari sabaka natu'guru' taua. Mingka inai-nai tappa' ri Ia tena nalala'ba' pa'mai'na.”

MARKUS 2:25

Appialimi Isa Nakana, “Tale'bakapi nubaca apa nagaukanga Daud ri wattunna Abyatar a'jari imang lompo? Anjo wattua cipuruki Daud siagang ana'-ana'na. Na tenamo kanrena ke'nanga. Jari antama'mi ke'nanga ri Balla'Na Batara, nampa nakanre roti le'baka nipakkoro'bangngang mae ri Allata'ala. Napassareang tommi anjo rotia mange ri ana'-ana'na. Na situru' atoranga ri agamata, imang-imangaji bawang akkulle angkanrei anjo rotia.”

MATIUS 21:16

Nakanamo ke'nanga mae ri Isa, “Nulangngere'ji anjo napaua ke'nanga?” Appialimi Isa Nakana, “Iyo, Kulangngere'ji. Tena le'bakapi nubaca apa niaka tattulisi' lalang ri Kittaka angkanaya, ‘Le'ba'mi nuajara' ana'-anaka siagang ana' loloa ampaui kana-kana pammujia’?”

MATIUS 19:4

Appialimi Isa Nakana, “Maka tena ngasempa nubacai lalang ri Kittaka angkanaya ri uru nipare'na rupataua ri Allata'ala, Napareki bura'nea siagang bainea?

LUKAS 6:3

Appialimi Isa Nakana, “Tenapa nale'ba' nubaca apa le'baka nagaukang Karaeng Daud, ri wattunna cipuru' siagang ana'-ana'na?

MARKUS 13:14

“Nia' sallang lanucini' ammenteng ‘Kaja'dallang Lammanra'-manrakia’ ammenteng ri tampa' tasiratanga napammentengi. (Tau ammacaya parallui napahang apa battuanna anne!) Anjo wattua, tau niaka ri Yudea parallui lari nai' ri buluka.

MATIUS 22:31

Apa tale'bakapi nubaca lalang ri Kittaka apa le'baka Napau Allata'ala ri passala'na tau mate nipattallasa' poleanga? Nakana Allata'ala,

MATIUS 12:3

Appialimi Isa Nakana, “Tena le'bakapi nubaca lalang ri Kittaka, apa nagaukanga Karaeng Daud siagang taunna ri wattunna cipuru'?

MARKUS 12:26

Na passala' attallasa' poleanna tau matea, tena le'bakapi nubaca lalang ri Kitta' Musa passala'na anjo rompo' a'rinraya? Lalang anjo ri Kittaka nia' tattulisi' angkanaya le'baki angkana Allata'ala ri Musa Nakana, ‘INakkemi Allata'alana Abraham, Allata'alana Ishak, siagang Allata'alana Yakub.’

MARKUS 12:9

Le'baki anjo akkuta'nammi Isa Nakana, “Maka apa lanagaukang anjo patanna koko? Mattantu labattui na nabuno ngaseng anjo pajamaya. Nampa napappitesangang anjo kokoa mae ri pajama koko maraenga.