MARKUS 11:8 - KITTA' MATANGKASA'

⁸ Jaimi tau ampalaparaki jubana ri agang laNaoloa Isa. Siagang nia' tommo tau angngalle tangke-tangke kayu ri kokoa, nampa napasiara' ri aganga.

MARKUS 11:8 Referans Kwoze

KAIMANGNGANG 23:40

Ri allo makase'rea musti nuallei rappo-rappoang kaminang bajika battu ri kokonnu, kammayatompa leko'-leko' pandanga siagang tangke-tangke battua ri poko' kayu copponga leko'na, nampa nupakaramulai passua'-suarrang karannuanga untu' ampakalompoi Karaeng Allata'alanu.

2 KARAENG-KARAENG 9:13

Akkaro-karomi agang-aganna Yehu ansungkei jubana ke'nanga nampa napaka'rang ri tukaka ri dallekanna Yehu. Nampa appasa'ra ke'nanga tarompe' siagang a'gora angkana, “Yehu a'jari karaeng!”

MATIUS 21:8

Jaimi tau ampalaparaki jubana siagang ansarei leko'-leko' kayu ri tangngana agang laNaoloa Isa.

MARKUS 11:7

Ri wattunna battumo ke'nanga mae ri Isa nalapakkimi jubana ke'nanga dongko'na anjo keledai. Le'baki anjo nai'mi Isa a'bae.

MARKUS 11:9

Jaimi tau anrurungangi. Nia' a'jappa ri dallekanNa, siagang nia' a'jappa ri bokoNa. Akkio'-kioki ke'nanga angkana, “Pujimi Allata'ala! Nibarakkakimi Ia battua lalang arenNa Batara!