MARKUS 11:18 - KITTA' MATANGKASA'

¹⁸ Nalangngereki imang-imang kapalaya siagang guru-guru agamaya anjo kana-kananNa Isa. Jari appakkaramulami ke'nanga a'boya akkala' ero' ambunoi Isa. Malla'mi ke'nanga ri Ia, lanri lannasa' ngasemmi taua allangngereki apa-apa Napangngajarranga.

MARKUS 11:18 Referans Kwoze

MATIUS 7:28

Le'ba'na Isa angngajara', teaimi sipato' lannasa'na ngaseng tau jaia allangngereki anjo apa Napangngajarranga.

MARKUS 12:12

Nalangngere'na pamimping-pamimpinna tu Yahudia anjo pangngebaranga naassemmi angkanaya kalenna ke'nanga nataba anjo pangngebaranga. Jari usahami ke'nanga ero' ambunoi Isa. Mingka mallaki ke'nanga ri tau jaia. Jari a'lampami ke'nanga ambokoi Isa.

LAMPA-LAMPANA 24:25

Mingka ri wattunna narapi' nabicara Paulus passala' kalambusanga siagang antahangi kacinnanga, kammayatompa passala' hukkungang labattua punna Allo Kiama', a'jari malla'mi Feliks. Jari nakanamo Feliks, “Kamma-kamma anne akkulle mako a'lampa. Lakusuro kio' jako antu pole punna nia' wattu.”

YOHANES 7:46

Appialimi anjo pangawalaka ngaseng nakana, “Edede, tenanniakkapa tau kamma Ia a'bicara!”

LUKAS 20:19

Naassengi guru-guru agamaya siagang imang-imang kapalaya angkanaya kalenna ke'nanga Napitujui Isa anjo pangngebaranga. Jari ero'mi ke'nanga anjakkalaki Isa anjo wattua. Mingka mallaki ke'nanga ri anjo tau jaia.

LUKAS 19:47

Allo-allona angngajara' Isa lalang ri Balla'Na Batara. Mingka ero'mi nibuno ri imang-imang kapalaya, siagang guru-guru agamaya, kammayatompa ri pamimping-pamimpinna tu Yahudia.

LUKAS 4:22

Sanna' ngaseng baji'na kana-kana Napasuluka. Sa'genna lannasa'mo taua allangngereki, na nipakkontutojeng ri ke'nanga. Nakanamo ke'nanga, “Sai ana'na Yusuf anne Taua?”

MARKUS 11:32

Mingka susa tongi lanikana, ‘Lanri koasa rupatau.’ ” Nasaba' mallaki ke'nanga ri tau jaia lanri napatappaki tau jaia ma'nassana na'bi anjo Yohanes.

MARKUS 6:20

Nasaba' le'ba'mi nasuro jagai baji'-baji' Herodes kasalamakkanna Yohanes lalang ri tarungkua, lanri mallaki ri Yohanes. Naassengi angkanaya tau baji' anjo Yohanes, nisuroa ri Allata'ala. Na memang, punna a'bicara Yohanes, nangai tonji Herodes allangngereki, manna mamo na'jari sanna' lussa'na nyawana napakamma.

MARKUS 3:6

A'lampami tu Farisia ambokoi anjo balla' sambayanga. Nampa assikongkolo' siagang siapa are ana'-ana'na Herodes, ero' ambunoi Isa.

MARKUS 1:22

Lannasa' ngasemmi sikamma taua allangngereki caraNa angngajara'. Nasaba' lompoi pangaruNa punna angngajaraki. Tena nasangkamma carana guru-guru agamaya.

MATIUS 21:15

Mingka larromi imang-imang kapalaya siagang guru-guru agamaya nacini'na Nagaukang Isa anjo gau' appakalannasaka. Larro tommi ke'nanga nalangngere'na ana'-anaka akkiok-kio' lalang ri Balla'Na Batara angkana, “Nipakalompoi Ana'na Daud!”

YESAYA 49:7

Nakana Allata'ala matangkasa', Mappasalama'na Israel, mae ri tu nihina dudua, siagang nikabirisia ri bansa-bansaya kammayatompa a'jari ataya ri sikamma tukoasaya, “Sikamma karaenga lanaciniki panggaukangKu; lambangungi ke'nanga ampakalompoA'. Sikamma tukoasaya lanacini' tongi, nampa su'ju' anynyomba.” Kajariangi anjo kammaya lanri le'ba'mi Napile Batara atanNa; Allata'ala matangkasa'na Israel majarreki ri janjinNa.

1 KARAENG-KARAENG 22:18

Nampa nakana Ahab ri Yosafat, “Sai annabai kanangku? Tena le'bakai natappuanga' apa-apa baji'. Tuli kodiaji bawang!”

1 KARAENG-KARAENG 22:8

Appialimi Ahab angkana, “Nia' ija se're, Mikha ana'na Yimla. Mingka birisika' ri ia, nasaba' tena le'bakai natappuanga' apa-apa baji'; tuli apa kodia.” Appialimi Yosafat angkana, “Teako akkana kammai!”

1 KARAENG-KARAENG 21:20

Nacini'na Ahab anjo Elia, nakanamo, “E musu, kale'bakkanna nugappa tonja'!” Appialimi Elia angkana, “Kammatojengi, nasaba' sanna' lompona pattujunta anggaukangi apa ja'dalaka ri dallekanNa Batara,

LUKAS 2:47

Sikontu tau allangngerekai lannasa' ngasemmi lanri sanna' cara'de'Na a'bicara.

YOHANES 7:1

Le'baki anjo a'lampami Isa ri kere-keremae ri pa'rasangang Galilea. Taerokai mange ri daera Yudea, lanri ero'na tukoasana tu Yahudia anjoreng ambunoi.

YOHANES 7:19

Sai le'ba'mi napassareang Musa ri kau ngaseng sikamma Naparentakanga Allata'ala? Mingka tenanniakka ri kau ngaseng anggaukangi anjo Naparentakanga. Angngapa nanuero' ngaseng ambunoA'?”