MARKUS 11:13 - KITTA' MATANGKASA'

¹³ Nia'mo Nacini' battu bella sipoko' ara sannaka copponna leko'na. Jari mangemi anjoreng ero' anciniki bara' nia'ja rapponna. Mingka wattunna battu mange anjoreng, tena sikali rapponna Nacini'. Sangge leko'na bawang coppong, nasaba' anjo wattua teaipi wattunna a'rappo araya.

MARKUS 11:13 Referans Kwoze

MATIUS 21:19

Nia' nacini' se're poko' ara ri biring aganga. Mangemi anjoreng ri poko' araya. Mingka manna sibatu tania' Nacini' rapponna pantaranganna leko-leko'na bawang. Nakanamo Isa ri anjo poko' araya, “Tenamo nukkulle a'rappo pole!” Nakalumeng memammo silalonna anjo poko' araya.

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

LUKAS 10:31

Sitabangi nia' todong sitau imang a'jappa anjoreng ri aganga. Nacini'na anjo taua, a'lilimi nampa napatulusu' jappana.

1 SAMUEL 6:9

Parhatikangi jappana; punna anjo Patti Parjanjianga nierang mangei ri pa'rasangang kalenna, iamintu kota Bet-Semes, battuanna Allata'alana tojeng tu Israel ampabattui anjo kacilakang lompoa mae ri katte. Mingka punna tena na'lampa mange anjoreng anjo karobaya, laniassemmi angkanaya anjo balaya teai bala battu ri Allata'alana tu Israel, passangalinna kabutulanji bawang.”

RUT 2:3

Jari a'lampami Rut mange ri kokoa, namminawang ri pakattoa anrappung gandung tu'guruka. Sitabangi a'lampa mange ri kokonna Boas.

YESAYA 5:2

Nabingkungi buttana, na napela' batu-batunna. Nalamungi anggoro' nipile nambangung balla' tinggi pa'jagang. Angngekei se're kali'bong tampa' pammaccokang anggoro'na, nampa attayang rappo ti'noka, mingka kacci wassele' rappo anggoro'na.

MARKUS 11:12

Ammukona, sitabanna a'jappa ke'nanga assulu' battu ri Betania, cipuru'mi Isa.

MARKUS 11:14

Nakanamo Isa ri anjo poko' araya, “Appakkaramula ri kamma-kammaya anne, tenanniakkamo manna sitau langkanrei rapponnu!” Nalangngereki ana'-ana' gurunNa anjo apa Napaua Isa.