MARKUS 11:10 - KITTA' MATANGKASA'

¹⁰ Ammenteng kassa'mi pamarentahanNa labattua, pamarentahanna Daud boeta. Pujimi Allata'ala Kaminang Tinggia!”

MARKUS 11:10 Referans Kwoze

LUKAS 2:14

“Nipujimi Allata'ala ri langi' kaminang tinggia! Nasalewangang rupataua ri tompo'na linoa mappakate'nea ri atinNa Bataraya!”

PAMMUJI 148:1

Pujimi Batara! Pujimi Batara, he sikontu bonena suruga! Sikontu ammantanga ri tampa' tinggia, pujimi!

HOSEA 3:5

Mingka lanarapiki sallang wattunna nalammotere' bansa Israel mae ri Karaeng Allata'alana ke'nanga, siagang mae ri karaenna ke'nanga battua ri jari-jarina Daud. Nampa lamalla' siagang lanapakalompo ke'nanga Batara, kammayatompa nanatarimamo barakka'-barakka'Na.

YEREMIA 33:26

kammatommi anjo latuli Kuta'galaki parjanjiangKu siagang jari-jarina Yakub, siagang atangKu Daud. Nia' sitau battu ri jari-jarina Daud laKupile untu' ammarenta ri jari-jarina Abraham, Ishak, siagang Yakub. LamangngamaseangA' mae ri ummakKu, siagang Kupa'jari kalumanynyangi ammotere' ke'nanga.”

MATIUS 3:9

Teako akkapangi angkanaya lakkullei nuliliang hukkunganNa Allata'ala lanri nukanana kalennu sossorannako Abraham. U'rangi angkanaya, manna anne batu-batua, akkulle tongi Napa'jari Allata'ala sossoranna Abraham!

MATIUS 21:9

Nampa a'jappa anjo tau jaia ri dallekanNa siagang ribokoNa Isa. Akkiok-kio'mi ke'nanga angkana, “Nipakalompoi Ana'na Daud! Nibarakkakimi battua lalang arenNa Batara! Nipujimi Allata'ala Kaminang Tinggia!”