MARKUS 10:49 - KITTA' MATANGKASA'

⁴⁹ Ammantammi Isa nampa Nakana, “Kioki mae.” Jari nakio'mi ke'nanga anjo tau butaya. Nakana ke'nanga ri ia, “Sannang mako! Ambangungko nai', Nasuro kiokko Isa!”

MARKUS 10:49 Referans Kwoze

LUKAS 18:40

Ammantammi Isa, na Nasuro erang anjo tau butaya mae ri Ia. Ri wattunna battumo anjo tau butaya ri dallekanNa Isa, akkuta'nammi Isa ri ia angkana,

YOHANES 11:28

Le'baki akkana kamma Marta, a'lampami angkioki sari'battanna Maria. A'biciki ri Maria nakana, “Niaki battu anrinni Pa' Guru; Napakkuta'nangangko.”

IBRANI 2:17

Jari battuanna, angkanaya Iami musti a'jari sangkamma sari'battanNa ngaseng lalang ri sikontu-kontuna. Siagang lanri kammanami anjo nakkullemo a'jari Imang Malompo, Ia tamalanrea siagang lompo pangngamaseanga. Battu ri iaminjo palayananNa nakkullemo nipammopporang dosana rupataua.

PAMMUJI 145:8

Anjo Batara mangngamaseangi siagang mangngarimangngi, tena nalinta' larro siagang tuli mangngamaseangi.

PAMMUJI 86:15

Mingka iKatte, o, Batara, Allata'ala mangngamaseang siagang manynyayang, sa'bara', la'bi pangngamaseang siagang majarre'.

IBRANI 4:15

Anjo Imang Malompota teai imang tenaya nakkulle amminawang angkasiaki kapa'risanta. Passangalinna, le'ba' tommi Nataba paccoba lalang a'rupa-rupa passala', sangkamma todong massing-massing ikatte; iaji bawang tena Nagaukangi dosaya!

MATIUS 9:2

Battuna mange anjoreng, nia'mo se're tau peso' nierang rate ri katinroanga mae ri Isa. Nacini'na Isa antekamma lompona tappa'na ke'nanga, Nakanamo ri anjo tau pesoka, “Sa'barakko na'! Nipammopporammi dosa-dosanu.”

MARKUS 10:50

Napasambilami jubana anjo tau butaya, nampa akkaro-karo ammenteng na'lampa mae ri Isa.