MARKUS 10:41 - KITTA' MATANGKASA'

⁴¹ Nalangngere'na anjo sampuloa ana'-ana' gurunNa Isa maraenganga, larromi ke'nanga ri Yakobus siagang Yohanes.

MARKUS 10:41 Referans Kwoze

FILIPI 2:3

Teako na lanri kaparalluang kalennu nanugaukang se'rea jama-jamang, yareka lanri ero'na nupattampo-tampoang kalennu. Mingka paralluko massing tuna pa'mai', nanucini' bajikangang taua na kalennu.

ROMA 12:10

Musti massing sikamaseang duduko sangkamma tau assari'battanga lalang se're balla'; kammayatompa massing sipirioloiko assare sallang.

PANGNGEBARANG 13:10

Katampoanna poro pa'beserang bawang napaumba; tau cara'deka eroki annarima pangngajarang.

YAKOBUS 4:5

Teako kapangngi angkanaya tena saba'na punna nakana Kittaka, “Ilalang ri kalenta nia' Naboli' Allata'ala Roh sannaka terasa'na cinnana.”

LUKAS 22:24

A'gea'-gea'mi ana'-ana' gurunNa Isa, passabakkang inai ri ke'nanga lanipa'jari kaminang nipakala'biri' sallang.

MATIUS 20:24

Nalangngere'na ana'-ana' gurunNa Isa sampuloa anjo passalaka, larromi ke'nanga mae ri anjo tau ruaya massari'battang.

MARKUS 10:42

Jari Nakio' ngasemmi Isa ke'nanga, nampa Nakana ri ke'nanga, “Nuassengi angkanaya pamimping-pamimpinga siagang tau malompona bansa tenaya naassengi Allata'ala, najallakkangi ra'ya'na.

LUKAS 22:25

Nakanamo Isa ri ke'nanga, “Sikamma karaenna bansa kapereka najallakkangi ra'ya'na, na sikamma tukoasana nigallaraki ‘Pajaga Ra'ya'’.