MARKUS 10:39 - KITTA' MATANGKASA'

³⁹ Appialimi ke'nanga angkana, “Nakulleji ikambe.” Jari angkanami pole Isa ri ke'nanga, “Langnginung memang jako battu ri pangnginungang rassia passessa laKuinunga. Siagang lantama' tonjako ri pammantangang jaia passessa laKupantamakkia.

MARKUS 10:39 Referans Kwoze

PAPPICINI' 1:9

Inakke Yohanes, sari'battannu ngaseng, nuaganga' a'julu sessa sangkamma nakasiaka sikontu tau amminawanga ri Almasi. Sa'barakki' angkasiaki kasessanga, lanri ikatte anne umma'Naki'. Nipelakka' mange ri Pulo Patmos passabakkang kupa'la'bangi pappasang battua ri Allata'ala, Napakajarreka Isa lalang ri kasa'bianNa.

LAMPA-LAMPANA 12:2

Iami amparentakangi, nanibunomo siagang pa'dang sari'battanna Yohanes, iamintu Yakobus.

KOLOSE 1:24

Kamma-kamma anne sannammi pa'maikku angkasiaki pa'risika untu' kaparalluannu. Nasaba' lanri kapa'risang nakasiaka tubuku, kupa'ganna'mi kasessang mustia Nakasia' Almasi untu' jama'aNa, iamintu tubuNa.

YOHANES 17:14

Le'ba'mi Kupabattu mae ri ke'nanga kananTa; nanikabirisimo ke'nanga ri linoa, lanri teai anne linoa ampatangi ke'nanga, sangkamma iNakke, teai anne linoa ampatangA'.

YOHANES 15:20

U'rangi apa le'baka Kupau mae ri kau, angkanaya, ‘Tena nalompoangang se'rea ata na karaenna.’ Punna iNakke nasessaMa' ke'nanga, lanasessa ngaseng tommako ke'nanga. Punna naturuki ke'nanga ajarangKu, lanaturuki tongi ke'nanga ajarannu.

YOHANES 13:37

Akkuta'nammi pole Petrus nakana, “Angngapa nakutakkullea amminawang kamma-kamma anne Batara? Kurellakangi kalengku mate untu' iKatte Batara!”

MARKUS 14:36

Nakana, “Bapa', o Bapa', tena tamakkulle a'jari punna Kierokang. Kipakabellami anne passessaya battu ri Nakke. Mingka teaKi' erokKu Kituruki, passangalinna erotTamo Kipa'jari.”

MARKUS 14:31

Appiali terasa'mi Petrus nakana, “Manna pole musti matea' siagang iKatte Bapa', tena sikali nakulangkana takuassengaKi' Bapa'!” Akkana kamma ngaseng tomminjo ana'-ana' gurunNa maraenga.

MATIUS 10:25

Sukku'mi sa'genna punna a'jari sangkamma ana' gurua siagang gurunna; yareka a'jari sangkamma palayanga siagang karaenna. Punna nigallara'mo Pinggawa setang kapala ruma tanggaya, la'biangampa pole kodina lanigallarrangi bone balla'na!”

MATIUS 3:6

Namangakuimi dosa-dosana ke'nanga, nampa nije'ne' ke'nanga ri Yohanes lalang ri Binanga Yordan.