MARKUS 10:34 - KITTA' MATANGKASA'

³⁴ Lanipare' kare'-karenangi ri ke'nanga, nipi'rui, nisessai, nampa nisalli' ri ke'nanga. Mingka ri makatalluna alloa, lattallasa' poleangi.”

MARKUS 10:34 Referans Kwoze

MARKUS 14:65

Appakkaramulami siapa areang ri ke'nanga ampi'rui rupanNa Isa. Siagang natongko'mi matanNa nampa naba'ji. Nampa nakana ke'nanga, “Coba sai tappu, inai amba'jiKo?” Amminawang ngaseng tommi pangawalaka antempaka'rangi Isa.

MATIUS 26:67

Massing battumi ke'nanga ampi'rui rupanNa Isa, nampa nasessa naba'ji. Nia' tommo antempaka'rangi,

MATIUS 16:21

Anjo wattua appakkaramulami a'bicara silambusu'na Isa mae ri ana'-ana' gurunNa, angkanaya takkulleai ta'lampa mange ri Yerusalem angkasiaki passessa jaia. Iamintu passessa battua ri pingga'-pinggawana tu Yahudia, imang-imang kapalaya, kammayatompa guru-guru agamaya. Lanibunoi, mingka lanipattallasa' poleangi battu ri kamateanga ri makatalluna alloa!

1 KORINTUS 15:4

le'ba'mi nitarawang, mingka nipattallasa' poleammi ammotere' ri makatalluna alloa. Ia anjo tattulisi' tommi lalang ri Kittaka.

YOHANES 2:10

na nakana ri ia, “Biasaya, anggoro' kaminang bajika rolong napattoanang taua, nampa punna sukku'mo nasa'ring toanaya, nampami nipassareang anggoro' biasaya. Mingka ikau nuboliki rolong anggoro' kaminang bajika sa'genna ri kamma-kammaya anne!”

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

LUKAS 23:11

Nipare' karek-karenammi siagang nihina-hinami Isa ri Herodes siagang surudadua. Nampa nipipakei pakeang kalompoang, nanikiring ammotere' mae ri Pilatus.

MARKUS 14:63

Napasinta'-sinta'mi nakekke' pakeanna anjo imang lompoa siagang nakanamo, “Tenamo naparallu sa'bia!

YESAYA 53:3

Nihinai siagang nililiangi, tau tuli sessaya siagang biasaya antanggongi pa'risika. Tena manna sitau ero' anciniki, siagang ikatte tena todong nijampangi.

YESAYA 50:6

Kutannangngangi dongkokku tau eroka amba'jia'; na pilisikku mae ri tau eroka ambi'buki janggokku. Tena nakugilingi rupangku ri wattungku nihina siagang nipi'rui.

PAMMUJI 16:10

Saba' tena Kilappassanga' mate; taKilappassangai posso' tu Kikamaseanga.

HOSEA 6:2

Lalang anne rua yareka tallungalloa laNapa'jari bajikki' ammotere', nakilattallasa'mo ammotere' irawa ri la'lanNa.

PAMMUJI 22:13

Sanrapangi tedong romang jaia, musua angkatulunga', sanrapang tedong romang liara' battu ri Basan angkatulunga'.

AYUB 30:10

Nacini' hinama' siagang kodima' ke'nanga, ba'lalo napi'rui ke'nanga rupangku.

MATIUS 27:63

Na angkana ke'nanga, “Nau'rangi ikambe angkanaya ri wattu attallasa'na anjo patipua le'baki angkana, ‘Ri makatalluna alloa lattallasa' poleangA'.’

MARKUS 9:31

nasaba' sitabangi Naajara' ana'-ana' gurunNa, “Lanipassareangi Ana' Ma'rupataua mae ri koasana tu linoa, nampa nibuno; mingka ri makatalluna alloa lattallasa' poleangi!” Kammaminjo kananNa Isa.