MARKUS 10:33 - KITTA' MATANGKASA'

³³ Nakana, “Pilangngeri anne; kamma-kamma anne a'lampa maki' mange ri Yerusalem. Anjoreng lanipassareammi Ana' Ma'rupataua mae ri imang-imang kapalaya siagang guru-guru agamaya. Lanihukkung matei, nampa nipassareang mae ri tu kapereka.

MARKUS 10:33 Referans Kwoze

MATIUS 27:2

Nasikko'bokomi Isa, nampa naerang ke'nanga mange napassareang ri Pilatus, wakkele'na pamarenta Roma.

MARKUS 8:31

Le'baki anjo, appakkaramulami Naajara' Isa ana'-ana' gurunNa angkanaya, musti jai passessa laNagappa Ana' Ma'rupataua. Siagang lanimusui ri pamimping-pamimpinga, ri imang-imang kapalaya, kammayatompa guru-guru agamaya. Lanibunoi, mingka ri makatalluna alloa lattallasa' poleangi.

MATIUS 26:66

Jari antekamma panggappanu ngaseng?” Appialimi ke'nanga angkana, “A'nassami kasalanna. Jari siratangi nihukkung mate.”

MATIUS 16:21

Anjo wattua appakkaramulami a'bicara silambusu'na Isa mae ri ana'-ana' gurunNa, angkanaya takkulleai ta'lampa mange ri Yerusalem angkasiaki passessa jaia. Iamintu passessa battua ri pingga'-pinggawana tu Yahudia, imang-imang kapalaya, kammayatompa guru-guru agamaya. Lanibunoi, mingka lanipattallasa' poleangi battu ri kamateanga ri makatalluna alloa!

YAKOBUS 5:6

Nuhukkummi siagang nubunomi tau tenaya salana, na tanaewayako ke'nanga.

LAMPA-LAMPANA 20:22

Kamma-kamma anne lakuturukimi parentaNa RohNa Allata'ala, nakua'lampa mange ri Yerusalem. Na takuassenga angkanaya apa lakajariang mae ri kalengku punna battua' mange anjoreng.

LAMPA-LAMPANA 13:27

nasaba' tanapahangai tau ammantanga ri Yerusalem siagang pamimping-pamimpinna ke'nanga angkana Iaminjo Isa Karaeng Mappasalamaka. Tanapahangai ke'nanga pangngajaranna na'bi-na'bia, tuli nibacaya punna allo Pammari-mariang. Iaminjo saba'na nanabunoi ke'nanga Isa. Mingka lanri nagaukannamo anjo ke'nanga, na'jari a'rupamo apa le'baka nasero kana na'bi-na'bia riolo.

YOHANES 19:11

Appialimi Isa Nakana, “Punna taNasareako' Allata'ala anjo koasanu, tena sikali koasanu mae ri Nakke. Lanri kammana, lompoangangi dosana tau ampassareangai KalengKu mae ri kau, kala ikau.”

YOHANES 18:28

Ri bari'basa' dudua naerammi ke'nanga Isa battu ri balla'na Kayafas mange ri balla' lompona guburnurka. Sikamma tu Yahudia tena nantama' ri balla' lompoa, sollanna tena na'jari ra'masa' situru' ajarang agamana ke'nanga. Nasaba' eroki ke'nanga amminawang angnganre Paska.

LUKAS 23:21

Mingka ammarrang-marrammi pole ke'nanga angkana, “Allei Salli'! Allei Salli'!”

LUKAS 9:22

Nakana pole Isa, “Lajai memang tongi passessa laNakasia' Ana' Ma'rupataua, siagang lanimusui ri pamimping-pamimpinga siagang imang-imang kapalaya, kammayatompa guru-guru agamaya. Lanibunoi, mingka ri makatalluna alloa lanipabangung poleangi ammotere'.”

MARKUS 15:1

Ri bari'basa' dudua akkaro-karomi sipa'bicara sikontu hakinga ri Pangadelang Agamaya siagang imang-imang kapalaya, pamimping-pamimpinna tu Yahudia kammayatompa guru-guru agamaya. Nasikko'mi ke'nanga Isa nampa naerang mange napassareang ri Pilatus.

MARKUS 14:64

Nulangngere' ngasemmi kana-kananNa, anghinai Allata'ala. Kamma-kamma anne antekamma batenu antappuki?” Natappukimi ke'nanga angkanaya salai Isa, siagang siratangi nihukkung mate.

MARKUS 9:31

nasaba' sitabangi Naajara' ana'-ana' gurunNa, “Lanipassareangi Ana' Ma'rupataua mae ri koasana tu linoa, nampa nibuno; mingka ri makatalluna alloa lattallasa' poleangi!” Kammaminjo kananNa Isa.

YESAYA 53:3

Nihinai siagang nililiangi, tau tuli sessaya siagang biasaya antanggongi pa'risika. Tena manna sitau ero' anciniki, siagang ikatte tena todong nijampangi.

MARKUS 9:12

Appialimi Isa Nakana, “Memang Elia battu la'bi riolo untu' ampasadiai yangaseng-ngasenna parallua. Mingka antekamma ia passala'na Ana' Ma'rupataua? Apa saba'na na tattulisi' lalang ri Kittaka angkanaya lajai sessa laNapisa'ringi siagang lanihinai ri taua?

YOHANES 18:32

Kajariammi anne kammaya, sollanna a'rupamo apa le'baka Napau Isa, ri passala' antekamma bateNa lamate.)