MARKUS 10:32 - KITTA' MATANGKASA'

³² Sitabangi a'jappa Isa siagang ana'-ana' gurunNa mange ri Yerusalem. Ri dallekangi Isa a'jappa, nalussa' ngaseng ana'-ana' gurunNa. Kammayatompa tau niaka amminawang ri bokoNa Isa malla' ngaseng tommi. Nampa Nakio'mo pole ana'-ana' gurunNa Isa mange anynya'la', na Napauang ke'nanga apa lakajarianga sallang ri KalenNa Isa.

MARKUS 10:32 Referans Kwoze

LUKAS 9:51

Ri wattunna tasalloamo naniangka' Isa nai' ri suruga apparurumi untu' la'lampa mange ri Yerusalem.

YOHANES 11:16

Nakanamo Tomas, nigallaraka “I Kambara'” mae ri agang-aganna ana' gurunNa Isa, “Umba kimminawang, boli'mi kamma nakisikamateang siagang Ia!”

YOHANES 11:8

Appialimi ke'nanga angkana, “O Bapa' Guru, tenapa nasallo le'batTa ero' nasambila batu tu Yahudia. Angngapa naKiero'moseng ammotere' mange anjoreng kamma-kamma anne?”

LUKAS 10:23

Nampa assaile Isa mae ri ana'-ana' gurunNa, na Nakana ri ke'nanga bawang, “Upa' ngaseng mako ikau, nasaba' nucini'mi anne apa nucinika ri kamma-kammaya anne.

MARKUS 4:34

Punna Naajara' taua ammakei pangngebarang. Mingka punna Ia mami siagang ana'-ana' gurunNa, Napakasingara' ngasemmi battuanna anjo pangngebaranga mae ri ke'nanga.

MATIUS 13:11

Appialimi Isa Nakana, “Nasaba' ikau nisare ngaseng mako pangngassengang sollanna nupahang rahasiana ri passala' antekamma batena ammarenta Allata'ala. Mingka anjo ke'nanga tanisareai.

ZAKHARIA 3:8

Pilangngeri, he ikau Imang Malompo Yosua, kammayatompa ikau ngaseng sikamma imang-imang aganna maraenga, ikau ngasemmi a'jari pangngebarang battu ri allo baji' labattua. Anjo wattua laKusuroi atangKu niarenga ‘I Cu'la'’.

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

MARKUS 1:27

Sikontu taua lannasa' sikalimi anciniki anjo passalaka. Sa'genna massing nakanamo para ia ke'nanga, “Idende' apami kutadeng anne? Iaminne pangngajarang beru! Lanri kakoasanNa siagang kala'biranNa na Nasuro roh-roh ja'dalaka assulu', siagang amminawang turu' anjo roh-roh ja'dalaka mae ri Ia!”

LUKAS 19:28

Le'ba'na Napau Isa sikammaya anjo passalaka, a'jappa riolomi ri dallekanna ke'nanga, ero' a'lampa mange ri Yerusalem.