MARKUS 10:29 - KITTA' MATANGKASA'

²⁹ Nakanamo Isa, “Patappa'mi angkanaya: inai-nai ambokoimi balla'na, yareka sari'battang bura'nena, yareka sari'battang bainena, yareka amma'na, yareka manggena, yareka ana'-ana'na, yareka tanana siagang kokonna passabakkang Kabara' Baji' battua ri Allata'ala,

MARKUS 10:29 Referans Kwoze

1 KORINTUS 9:23

Iaji nakugaukang ngaseng sikammaya anjo, sollanna akkulle kupa'la'bang Kabara' Baji' battua ri Allata'ala, kammayatompa sollanna kunibarakkaki todong.

MARKUS 8:35

Nasaba' tau eroka angkatutui tallasa'na, iami latappela' tallasa'na. Mingka tau eroka angkoro'bangkangi tallasa'na untu' iNakke, siagang untu' Kabara' Baji' battua ri Allata'ala, iami lanipasalama'.

PAPPICINI' 2:3

Sa'bara' ngasengko, siagang nukasia'mi pa'risika passabakkang iNakke, na tena nutappu' panrannuang.

MATIUS 10:18

Lanierangko mange andallekang ri pamarentaya siagang karaenga, passabakkang amminawannu ri Nakke. Mingka iaminjo wattua la'jari kasampatang ri kau untu' la'jari sa'bingKu ri dallekanna ke'nanga siagang tu tenayapa naassengi Allata'ala.

PA'JARIANG 45:20

Tena naparallu napikkiri' ke'nanga apa-apa tena sikalia nakkulle naerang, nasaba' apa kaminang bajika ri Mesir akkullei napatang ke'nanga.”

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

MATIUS 19:29

Na inai-nai ambokoi balla'na, yareka sari'battanna bura'nea, yareka sari'battanna bainea, yareka anrong-manggena, yareka ana'na ngaseng, yareka kokonna, passabakkang iNakke, iami sallang langgappai ammotere' sikamma apa nabokoia a'lappi sibilangngang jaina. Siagang iami langgappai katallassang sitojennaya siagang mannannunganga.

LUKAS 18:29

Nakanamo Isa, “Patappa'mi, angkanaya: Inai-nai ambokoi balla'na, yareka tu ri balla'na, yareka sari'battanna, yareka anrong-manggena, yareka ana'-ana'na, lanri ero'na ampa'jari palayangi kalenna ri Allata'ala,