MARKUS 10:24 - KITTA' MATANGKASA'

²⁴ Lannasa'mi ana'-ana' gurunNa allangngereki anjo apa Napaua Isa. Mingka Nakanamo pole Isa, “Ana'-anakKu, sukkara' memangi taua a'jari umma'Na Allata'ala!

MARKUS 10:24 Referans Kwoze

PANGNGEBARANG 11:28

Inai ampattoangi barang-baranna, larunangi sanrapang leko' toa; tau bajika la'bakkaki sanrapang cu'la' loloa.

PAPPICINI' 3:17

Nukana ngaseng: Akkalumanynyangko siagang ganna' mako ri katallassannu; tenamo apa-apa kakurangannu. Mingka tanuassengai kalennu angkanaya teai sipato' kasi-asinu, siagang teai sipato' appakasi'nana katallassannu. Kasi-asiko, assolarakko, siagang butako.

1 TIMOTIUS 6:17

Sikamma tau kalumanynyanga ri anne linoa, parallui nupakainga' sollanna tena na'jari tampo ke'nanga. Kammayatompa tena namanrannuang mae ri barang-barang latappelaka, kammayami kakalumanynyanganga. Musti manrannuang mangei ke'nanga ri Allata'ala assareaki' alla'bi-la'bi sikontu-kontuna niparalluia, sa'genta a'jari sannang.

PAMMUJI 52:7

Mingka ikau lanipossokko ri Allata'ala satunggu-tungguna; nijakkalakko siagang nire'resangko battu lalang ri balla'nu, siagang nipa'lanynyakko battu ri linona tau attallasaka.

LUKAS 16:14

Nalangngere' ngasengi tu Farisia sikamma Napaua Isa. Nikakkalimi Isa ri ke'nanga, lanri nangaina ke'nanga doeka.

PANGNGEBARANG 18:11

Mingka tau kalumanynyanga nakana barang-baranna lanjagai kalenna sanrapang tembo' tinggi siagang kassa' ri tammulilina kotaya.

PAMMUJI 62:10

Rupataua sanrapanji bawang sipa'maikang nappasa', lompo yareka ca'di para tena anggaranna. Punna nitimbangi, a'nassami angkana ringannaja ke'nanga, la'bi ringangi na sipa'maikanga nappasa'.

1 YOHANES 2:1

Sikamma ana'-anakku! Iaji nakutulisi' anne suraka kakukellaiko sollanna tena nugaukangi dosaya. Mingka punna nia' a'gau' dosa, nia' akkulle angngalleiki' iamintu Isa Almasi, Ia adeleka; laNapappala' tulungangki' mae ri dallekanNa Manggea.

YOHANES 13:33

Ana'-anakKu ngaseng, tenamo naKulasallo ammantang angngagangko. LanuboyA' sallang, mingka sangkamma le'baka Kupau ri pamarentana tu Yahudia, kamma tomminjo Kupau ri kau ngaseng; angkanaya takkulleako mange ri tampa' laKumangeia.

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.

HABAKUK 2:9

Nitunraiko ikau! Nupa'jari kalumanynyangi kaluarganu battu ri passawallang nugappaya lanri gau' palla'nu, sollanna balla' kalennu a'jari amang siagang bellai battu ri kasusaanga siagang balaya.

YEREMIA 9:23

Nakana Batara, “Tau cara'deka takkulleai lompo pa'mai' lanri kacara'dekanna, tau gassinga lanri kagassinganna, siagang tau kalumanynyanga lanri kakalumanynyangnganna.

PANGNGEBARANG 23:5

Saba', lalang sipakkida mataji nakkulle lanynya' barang-barannu, sanrapang akka'nyiki nanri'ba' nai' ri allaka sangkamma jangang-jangang rajawali.

PAMMUJI 17:14

Kilappassanga' battu ri sikamma tau eroka appatambung pa'barang-barangngang ri lino. Kihukkungi ke'nanga siagang bala lompo ia le'baka Kipasadia untu' ke'nanga Lappassammi nihukkung todong ana' cucunna ke'nanga.

1 YOHANES 5:21

Sikamma ana'-anakku, pakabellai kalennu battu ri sikamma barhalaya!

1 YOHANES 4:4

Mingka sikamma ana'-anakku, ikau tau battu ngasengko ri Allata'ala assala'nu. Le'ba'mi nubeta na'bi-na'bi balle-ballea, nasaba' Roh niaka ri kau la'bi makoasangangi na roh niaka ri taunna ngaseng anne linoa.

GALATIA 4:19

Sikamma ana'-anakku kukarimangngia! Kamma-kamma anne lussa'mi sedeng nyawaku lanri ikau ngaseng. Pa'risikka' kusa'ring, sanrapang baine eroka allassukang ana'. Punna tenapa nanutarima ri kalennu sipa'-sipa' battua ri Almasi, tuli lakupisa'ringinna anne pa'risika!

YOHANES 21:5

Nakanamo Isa ri ke'nanga, “Ana'-ana', nia' juku'nu?” Appialimi ke'nanga angkana, “Tena.”

YOHANES 6:60

Nalangngere'namo anjo kana-kana Napabattua Isa, jaimi ana' gurunNa angkana, “Battala' sikali anne pangngajaranga. Inaimi lakkulle antarimai?”

MATIUS 19:25

Lannasa' ngasemmi ana'-ana' gurunNa Isa nalangngere'na akkana kamma Isa. Nakanamo ke'nanga, “Punna paleng kamma, jari inai mami akkulle salama'?”

MARKUS 1:27

Sikontu taua lannasa' sikalimi anciniki anjo passalaka. Sa'genna massing nakanamo para ia ke'nanga, “Idende' apami kutadeng anne? Iaminne pangngajarang beru! Lanri kakoasanNa siagang kala'biranNa na Nasuro roh-roh ja'dalaka assulu', siagang amminawang turu' anjo roh-roh ja'dalaka mae ri Ia!”

MARKUS 10:23

Nacinikimi Isa ana'-ana' gurunNa, nampa Nakana ri ke'nanga, “Sukkara' sikali tau kalumanynyanga la'jari umma'Na Allata'ala!”