MARKUS 10:22 - KITTA' MATANGKASA'

²² Nalangngere'na akkana kamma Isa, la'bami nyawana anjo taua. A'lampami ambokoi anjo tampaka na susa nyawana lanri akkalumanynyang sikali.

MARKUS 10:22 Referans Kwoze

LUKAS 12:15

Nampa Nakana Isa ri sikamma tau niaka anjoreng, “Tutuko siagang jaga-jagako, gassingka a'jariko tau mangngoa. Nasaba' teai battu ri kakalumanynyanganna nattallasa' rupataua, manna pole sanna' jaina pa'barang-baranganna.”

2 TIMOTIUS 4:10

nasaba' nabokoima' Demas lanri nakarimangnginna anne linoa. A'lampami mange ri Tesalonika. A'lampami Kreskes mange ri Galatia, siagang Titus a'lampami mange ri Dalmatia.

EFESUS 5:5

U'rangi baji'-baji': ia tau nangaia a'gau' bawang, yareka a'gau' tenaya nasiratang yareka angngoaya (anjo gau' kammaya sangkamma le'ba'ji gau' anynyombaya barhala), anjo tau kammaya takkulleai a'jari anggota umma' niparentaya ri Almasi siagang Allata'ala.

YEHEZKIEL 33:31

Battui ke'nanga a'gapullung siagang salaku ummakKu ammempoi ke'nanga ampilangngeri kana-kanannu, mingka anjo apa nuparentakanga tena naturuki ke'nanga. Muncenna ke'nanga appasuluki kana-kana mangngai mingka atinna ke'nanga sangnging passawallanji nanawa-nawa.

2 KORINTUS 7:10

Nasaba' anjo si'na kammaya akkullei appa'nia' katobakkang siagang kasalamakkang; kammayatompa tena nala'jari sesse' lalang taua lanri passabakkang anne passalaka. Mingka punna si'na passabakkang anne linoa, lanaerangi taua mange ri kamateanga.

LUKAS 18:23

Mingka si'nami pa'mai'na anjo taua nalangngere'na anjo Napaua Isa, lanri sanna' kalumanynyanna.

MATIUS 19:22

Nalangngere'na akkana kamma Isa, a'lampami anjo tau rungkaya; si'na sikali atinna nasaba' akkalumanynyang sikali.

MATIUS 13:22

Naia bine takkioroka ri alla'na ruku'-ruku' akkatintinga, iaminjo pangngebarang mae ri tau allangngerekami anjo kabaraka, mingka ranggasela iji atinna ke'nanga, siagang ero' dudui kalumanynyang lalang ri katallassanna. Lanri kammana, rapang kasepekammi lalang ri atinna ke'nanga anjo Kabara' battua ri Allata'ala, sa'genna takkullea a'rappo.

MARKUS 6:26

Nalangngere'na Herodes anjo apa napalaka, sanna'mi susana nyawana. Mingka takkulleami tanaturukiang, lanri le'ba'mi assumpa ri dallekanna ngaseng toananna.

MATIUS 27:3

Nacini'na Yudas, le'baka ambalukangi Isa, angkanaya nihukkummi Isa, nasassala'mi kalenna. Naerammi mange napoterang anjo doeka tallumpuloa doe' pera' ri imang-imang kapalaya siagang pamimping-pamimpinna tu Yahudia.

MARKUS 6:20

Nasaba' le'ba'mi nasuro jagai baji'-baji' Herodes kasalamakkanna Yohanes lalang ri tarungkua, lanri mallaki ri Yohanes. Naassengi angkanaya tau baji' anjo Yohanes, nisuroa ri Allata'ala. Na memang, punna a'bicara Yohanes, nangai tonji Herodes allangngereki, manna mamo na'jari sanna' lussa'na nyawana napakamma.

MARKUS 10:21

Nacinikimi Isa anjo taua na Nakamaseang. Nampa Nakana ri ia, “Se'repi nuparalluang. A'lampamako ambalukangi barang-barannu; nampa nupassareang doe'na mae ri tu kasi-asia, nanugappa pa'barang-barangang niaka ri suruga. Le'baki anjo ammotere' mako mae numminawang ri Nakke.”

MARKUS 10:23

Nacinikimi Isa ana'-ana' gurunNa, nampa Nakana ri ke'nanga, “Sukkara' sikali tau kalumanynyanga la'jari umma'Na Allata'ala!”