MARKUS 10:19 - KITTA' MATANGKASA'

¹⁹ Nuassemmi sikamma parentaNa Allata'ala angkanaya, ‘Teako ammunoi; teako a'gau' assalimarri; teako a'lukkaki; teako assa'bi balle-ballei; teako annipui; pakala'biriki manggenu siagang amma'nu.’ ”

MARKUS 10:19 Referans Kwoze

ROMA 13:9

Nasaba' anjo hukkung-hukkung agama Yahudi angkanaya: Teako assalimaraki; teako ammunoi; teako a'lukkaki; teako cinnai ri apa-apanna parannu tau; yangasenna anjo siagang hukkung-hukkung maraengannaya pole, le'ba'mi nipakabodo a'jari se're hukkung, iamintu, “Kamaseangi parannu tau, sangkamma todong nukamaseanna batangkalennu.”

YAKOBUS 2:11

Nasaba' Ia angkanaya, “Teako a'gau' bawangi,” Ia tonji angkanaya, “Teako ammunoi.” Jari punna tena nu'gau' bawang, mingka ammunoko, sikontutojenna nudakkai tommi anjo hukkunga.

LUKAS 18:20

Nuassemmi sikamma parentaNa Allata'ala, iamintu, ‘Teako a'gau' salimarri, teako ammunoi, teako a'lukkaki, teako assa'bi salai, siagang pakala'biriki anrong-manggenu.’ ”

1 TESALONIKA 4:6

Ri anne passalaka, tea' laloko niakki appanggaukang sala yareka annipu mae ri sari'battanna. Pirangalloang le'ba'mi napau sitojeng-tojenna ikambe mae ri kau ngaseng angkanaya laNahukkungi Batara sikontu tau anggaukangai kasalang kammaya anjo.

GALATIA 5:14

Nasaba' anjo sikontu bonena hukkung agamaya le'ba'mi nipakabodo a'jari se're hukkung, iamintu angkanaya, “Parallui nukamaseang parannu tau sangkamma nukamaseanna batangkalennu.”

GALATIA 4:21

Inai-nai ero' attallasa' irawangang kakoasanna hukkung-hukkung agamaya, pilangngerimi anne kanangku! Erokko kupauang apa sitojenna tattulisika lalang ri Kitta' Hukkung napassareanga Musa.

ROMA 3:20

Nasaba' tena manna sitau akkulle assibajiki siagang Allata'ala lanri nagaukanna apa-apa niaka tattulisi' lalang ri hukkung-hukkung agamaya. Ba'lalo anjo hukkung-hukkunga poro napappiassenganji bawang mae ri rupataua angkanaya ma'nassa dorakai rupataua.

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

MARKUS 10:18

Akkuta'nammi Isa Nakana, “Angngapa nukana bajikKa'? Tena tau baji', pantaranganna Allata'ala.