MARKUS 10:18 - KITTA' MATANGKASA'

¹⁸ Akkuta'nammi Isa Nakana, “Angngapa nukana bajikKa'? Tena tau baji', pantaranganna Allata'ala.

MARKUS 10:18 Referans Kwoze

LUKAS 18:19

Akkuta'nammi Isa ri anjo taua Nakana, “Angngapa nanukana bajikKa'? Tena tau baji' pantaranganna Allata'ala.

MATIUS 19:17

Appialimi Isa Nakana, “Angngapa nukkuta'nang ri Nakke ri passala' apa bajika? Se'reji bawang baji'. Punna erokko salama', turukimi sikamma apa Napassuroanga Allata'ala.”

1 YOHANES 4:16

Niassemmi siagang tappa' maki' mae ri pangngamaseanNa Allata'ala mae ri katte. Anjo Allata'ala Iami mangngamaseang. Inai-nai nikoasai katallassanna ri pangngamaseang, iaminjo taua asse're katallassanna mae ri Allata'ala, siagang asse'remi Allata'ala mae ri katallassanna.

1 SAMUEL 2:2

Tena matangkasa' sangkamma Batara! Iaji bawang akkulle a'jari pa'la'lang.

ROMA 3:12

Napakabella ngasemmi kalenna taua battu ri Allata'ala; sala oloang ngasemmi taua. Tena manna sitau a'gau' baji'; manna sitau tena todong!

1 YOHANES 4:8

Tau tenaya namangngamaseang, tanaassengai Allata'ala; nasaba' anjo Allata'ala mangngamaseangi.

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

PAMMUJI 119:68

Saba' ikatte bajikKi' siagang bajiki Kigaukanga, ajaria' ri sikamma katantuanTa.

PAMMUJI 86:5

IKatte bajikKi', o, Batara, Kingai ampamopporangi taua, tau appala' doanga mae ri Katte tuli Kikamaseangi siagang pangngamaseang alla'bi-la'bia.

PAMMUJI 145:9

Lammoro' pa'maiki mae ri sikontu taua, siagang Nakamaseang sikontu apa Napa'jaria.

MARKUS 10:17

Wattunna Napatulusu' pole lampaNa Isa, nia'mo sitau lari-lari battu mae ri Ia. Su'ju'mi anjo taua ri dallekanNa Isa nampa akkuta'nang nakana, “O Guru baji', apa musti kugaukang sollanna akkulle kugappa katallassang sitojennaya siagang satunggu-tungguna?”

MARKUS 10:19

Nuassemmi sikamma parentaNa Allata'ala angkanaya, ‘Teako ammunoi; teako a'gau' assalimarri; teako a'lukkaki; teako assa'bi balle-ballei; teako annipui; pakala'biriki manggenu siagang amma'nu.’ ”