MARKUS 10:17 - KITTA' MATANGKASA'

¹⁷ Wattunna Napatulusu' pole lampaNa Isa, nia'mo sitau lari-lari battu mae ri Ia. Su'ju'mi anjo taua ri dallekanNa Isa nampa akkuta'nang nakana, “O Guru baji', apa musti kugaukang sollanna akkulle kugappa katallassang sitojennaya siagang satunggu-tungguna?”

MARKUS 10:17 Referans Kwoze

ROMA 2:7

Nasarei Allata'ala katallassang sitojennaya siagang mannannunganga tau jarreka anggaukangi kabajikanga, sollanna nagappa katallassang mala'birika, katallassang malompoa siagang satunggu-tunggua.

LUKAS 10:25

Nampa nia'mo sitau guru agama battu ero' ampa'boyangi sala Isa. Akkuta'nammi ri Isa nakana, “Bapa' Guru, apa musti kugaukang sollanna akkulle kugappa katallassang satunggu-tunggua?”

LAMPA-LAMPANA 16:30

Nampa naerang kapala tarungkua assulu' ke'nanga, na nakana, “O Tuang, apa musti kugaukang sollangku nipasalama'?”

LAMPA-LAMPANA 2:37

Nalangngere'na ngaseng ke'nanga anjo napaua Petrus, sanna' ngasemmi dinging-dinginna atinna ke'nanga. Jari akkuta'nammi ke'nanga ri Petrus siagang anjo tunisuro maraenganga, angkana, “Jari apamo musti nigaukang anne, sari'battang?”

LAMPA-LAMPANA 20:32

Kamma-kamma anne kupassareang mako mae ri Allata'ala, naporo Iami amparakai ngasengko, siagang nuporo anna'gala' jarre' ngaseng mae ri anjo kabara' pangngamaseanNa Allata'ala. Koasai Allata'ala ampakajarrekko siagang assareko barakka'-barakka'Na, le'baka Napasadia untu' sikontu umma'Na.

LAMPA-LAMPANA 9:6

Mingka kamma-kamma anne ambangung mako nai', na nuantama' ri kotaya. Anjorempi nampa nipauangko apa musti lanugaukang.”

MATIUS 25:34

Nampa laNakana anjo Karaenga mae ri anjo tau niaka ri sa'ri kananNa, ‘Mae ngaseng mako kau tu nibarakkakia ri ManggeKu. Antama' mako ri Tampa' le'baka nipasadiang memangko ri uru nia'na linoa.

MATIUS 17:14

Ri wattunna ammotere' ke'nanga mange anjoreng ri tau jaia, nia'mo sitau bura'ne battu su'ju' ri dallekanNa Isa.

YOHANES 6:40

Memang, iaminne Nakaerokanga ManggeKu: Sikamma tau ancinikai Anaka na tappa' ri Ia, nagappami katallassang satunggu-tunggua, siagang laKupattallasa' poleangi sallang ri Allo Kiamaka.”

DANIEL 6:10

Jari natekemmi Karaeng Darius anjo sura' parentaya.

YOHANES 5:39

Nupilajari Kittaka lanri nupikkiriki angkanaya kammaminjo carana nanugappa katallassang mannannunganga. Na iaminjo Kittaka a'jari sa'bi ri KalengKu.

YOHANES 3:2

Nia' se're wattu nabattu bangngi mange ri Isa. Nakana ri Isa, “Bapa' Guru, niassemmi angkanaya Allata'ala assuroKi' battu. Nasaba' tenanniakka manna sitau akkulle anggaukangi gau' appakalannasa' sangkamma le'baka Kigaukang, punna tena nanirurungangi ri Allata'ala.”

MARKUS 12:14

Battumi ke'nanga mae ri Isa nakkuta'nang angkana, “Bapa' Guru, naassengi kambe angkanaya iKatte tau lambusukKi', siagang manna inai tena Kijampangi panggappana. Punna angngajarakKi' Kipaui silambusu'na apa ero'Na Allata'ala mae ri rupataua. Tena kimmile-mile tau. Jari Kipau sabeki ri kambe, ‘Manuru' ri atoranna agamata, maka akkulleji taua a'bayara' sima mae ri Karaenga yareka tena? Apaka musti nibayaraki anjo simaya yareka tena?’ ”

MARKUS 9:25

Wattunna Nacini' Isa, angkanaya appakkaramulami jai tau battu a'lipung, Nasuromi a'lampa anjo roh ja'dalaka. Nakana, “E kau roh tongoloka siagang pepea, Kuparentakangko assulu' battu lalang ri kalenna anne anaka, siagang tea' laloko antamakki pole!”

MARKUS 1:40

Nia' sitau tau garring sala battu mae ri Isa. Akkulantu'mi anjo taua na nakana, “Punna Kikaerokangi Bapa', akkulleKi' amballeia' ku'jari baji'.”

MATIUS 28:8

Akkaro-karomi anjo bai'-bainea a'lampa ambokoi anjo jeraka. Sanna' malla'na ke'nanga, mingka sanna' todong rannuna ngaseng nyawana. Larimi ke'nanga mange ampabattui ri ana'-ana' gurunNa Isa.

1 YOHANES 2:25

Na iaminne Napa'janjianga KalenNa Almasi mae ri katte: Katallassang sitojennaya siagang mannannunganga.

ROMA 6:23

Nasaba' pahalana dosaya iamintu kamateanga; mingka pangngamaseang Napassareang bawang-bawanga Allata'ala, iamintu katallassang sitojennaya siagang katallassang satunggu-tunggua lalang ri Isa Almasi, Batarata.

MARKUS 10:18

Akkuta'nammi Isa Nakana, “Angngapa nukana bajikKa'? Tena tau baji', pantaranganna Allata'ala.

EFESUS 1:18

Kupalaki ri Allata'ala sollanna Nasungke pikkirannu, sa'genna a'jari singara'; sollanna akkulle nupahang apa akkullea nurannuang battu ri Allata'ala, le'baka angkiokko. Kammayatompa sollanna nuasseng todong antekamma alla'bi-la'bina barakka' baji'Na Allata'ala, le'baka Napasadia untu' umma'Na;

TITUS 3:7

sollanna lanri lammoro' pangngamaseanNa Isa nakiakkullemo assibajiki ammotere' siagang Allata'ala kammayatompa nakigappamo katallassang sitojennaya siagang katallassang mannannungang niminasaia.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

1 PETRUS 1:4

Manrannuangki' untu' langgappai barakka'-barakka' Nabolika ri suruga, sa'genna takkullea panra' yareka a'jari botto', yareka a'jari a'langnge.