MARKUS 1:5 - KITTA' MATANGKASA'

⁵ A'lampa ngasemmi tuniaka ri pa'rasangang Yudea siagang kota Yerusalem, mange ampilangngeri Yohanes. Namangakuimi dosa-dosana ke'nanga, nampa nije'ne' ri Yohanes lalang ri Binanga Yordan.

MARKUS 1:5 Referans Kwoze

LAMPA-LAMPANA 19:18

Jaimi tau tappakamo ri Isa battu ammangakui ri dallekanna tau jaia sikamma panggaukang salana ke'nanga ri wattu allaloa.

LAMPA-LAMPANA 2:38

Appialimi Petrus nakana, “Toba' ngaseng mako battu ri dosa-dosanu. Siagang musti massing nije'ne' ngasengko lalang arenNa Isa Almasi, sollanna nipammopporang dosa-dosanu. Nampa lanutarima passareNa Allata'ala, iamintu RohNa Allata'ala.

YOHANES 3:23

Anjo wattua tenapa nitarungkui Yohanes. Anje'neki tau ri Ainon, pammantangang tenaya nabella battu ri Salim, nasaba' anjoreng jai je'ne'. Battumi taua mae ri ia, na naje'ne'mo ke'nanga.

YOHANES 1:28

Yangasenna anne anjorengi ri Betania kajariang, iamintu biring rayana Binanga Yordan siagang ri tampa'na Yohanes anje'neki taua.

MATIUS 4:25

Jai sikalimi tau amminawang ri Isa anjo wattua. Nia' tu battu ri Galilea, tu battu ri Sampulo Kota, battu ri Yerusalem, tu battu ri Yudea, kammayatompa nia' todong tu battu ri pa'rasangang ba'leanna Binanga Yordan.

PANGNGEBARANG 28:13

Inai ancokkoi dosana tena nalaupa'. Inai angngakui, lanabokoi, nampa laNikamaseang ri Batara.

PAMMUJI 32:5

Nampa kumangakuimo dosaku mae ri Katte, tenamo kasalangku kucokkoi. Kutappukimi ri pa'maikku untu' angngakui mae ri Katte, na Kipammopporang ngasemmo sikontu dosaku.

YOSUA 7:19

Nakanamo Yosua ri Akhan, “Na', mangakuimi siagang paumi silambusu'na anrinni ri dallekanNa Batara, Allata'alana Israel, apa le'baka nugaukang. Pauamma', teako cokkoi.”

MARKUS 1:4

Sangkamma le'baka tattulisi', nia'mi battu Yohanes ri parang lompoa. Naje'ne'mi taua siagang napabattumi Kabara' battua ri Allata'ala. Nakanamo Yohanes, “Paralluko toba' battu ri dosa-dosanu siagang nije'ne', sollanna Napammopporangko Allata'ala.”

MARKUS 1:6

Na ia Yohanes, bulu unta napare' juba; kukkulu' napare' passikko' aya'; na katimbang siagang bani romang napare' kanre.

YOHANES 5:35

Anjo Yohanes, sanrapangi lampu a'rinraya siagang tassioroka cayana. Untu' sinampekang, nungai antarimai anjo cayana.

YAKOBUS 5:16

Lanri kammana, paralluko massing ammangakui kasalannu mae ri parannu tau, siagang sipappala' doangangko, sollannu nipammolle. Pappala' doangang situruka ero'Na Allata'ala, lompo sikali kakoasanna.