MARKUS 1:44 - KITTA' MATANGKASA'

⁴⁴ “Jagako, tea' laloko caritai anne passalaka manna pole ri nai. Mingka a'lampamako mae ri imanga assuro paressai kalennu mattantunu baji'mo. Punna le'ba' anjo, a'lampamako assare koro'bang passidakka situru' napassuroanga Musa, lanri a'jari baji'numo. Iaminjo a'jari butti ri taua angkanaya ma'nassa baji' mako ri garrinnu.”

MARKUS 1:44 Referans Kwoze

LUKAS 17:14

Ri wattunna Nacini' Isa ke'nanga, Nakanamo ri ke'nanga, “A'lampamako mae ri imang-imanga, nampa nupala' nanaparessa ke'nanga batangkalennu.” A'lampami anjo sampuloa tau garring sala mae ri imang-imanga. Na lalang a'jappana ke'nanga mange anjoreng, ti'ring ammari ngasemmi garring sala appakamalla'-malla'na ke'nanga.

MATIUS 8:4

Le'baki anjo Nakanamo pole Isa ri anjo taua, “U'rangi! Tea' laloko caritai anne kajarianga manna pole ri nai. Mingka a'lampamako mange ri imanga, na nusuro paressa kalennu ri ia. Le'baki anjo, a'lampamako mange assare koro'bang situru' napassuroanga Musa; iaminjo a'jari butti ri taua angkanaya ma'nassa baji' mako ri garrinnu!”

1 KORINTUS 10:11

Yangasemmi anjo kajariang mae ri ke'nanga, untu' a'jari conto mae ri tau maraenga. Kammayatompa nitulisi' ngaseng tommi anjo apa kajarianga untu' a'jari pappakainga' mae ri katte ngaseng. Nasaba' kamma-kamma anne nia' maki' attallasa' ri kala'busanna jammanga.

ROMA 15:4

Sikontu anjo apa-apa niaka tattulisi' lalang ri Kittaka, lanipake ngasengi untu' angngajarakki'. Nasaba' anjo pappilajarang nitarimaya battu ri Kittaka naajarakki' a'jari sa'bara' siagang a'jari majarre' sanggenta akkulle manrannuang mae ri Allata'ala.

LUKAS 5:14

Napisangkaimi Isa anjo taua ancaritai anjo passalaka, manna pole ri nai. Nakanamo ri anjo taua, “A'lampamako mae ri imanga nampa nusuro amparessai kalennu. Nampa a'lampako mange assare koro'bang situru' napassuroanga Musa. Iaminjo a'jari butti ri taua angkanaya ma'nassa baji' mako ri garrinnu.”

MARKUS 1:43

Nampa Nasuro Isa a'lampa anjo taua. Na Napasang angkana,

LAMPA-LAMPANA 23:22

Nakanamo anjo komandanga, “Teako pau-paui manna ri nai angkana le'ba'mi nupabattu anne kabaraka mae ri nakke.” Le'baki anjo, nasuromi ammotere' anjo turungkaya.