MARKUS 1:39 - KITTA' MATANGKASA'

³⁹ Jari a'lampami Isa a'la'bang ri sikontu Galilea. Akkato'bami lalang ri sikamma balla' sambayanga. Siagang Nabongka ngasemmi setang-setanga battu lalang ri kalenna sikamma tau nisosoka ri setang.

MARKUS 1:39 Referans Kwoze

MATIUS 4:23

Wattunna ri Galilea, a'lampai Isa angnginroi sikontuna anjo pa'rasanganga. Angngajaraki ri sikamma balla' sambayanga siagang Nabirittakammi Kabara' Bajika angkanaya lammarentami Allata'ala. Naballei tommi sikamma tau garringa siagang tau sala-salanga sa'genna baji' ngaseng.

MARKUS 1:21

Battui Isa siagang ana'-ana' gurunNa ri kota Kapernaum. Ri allo Pammari-marianna poleanga, antama'mi Isa ri balla' sambayanga na appakkaramula angngajara'.

LUKAS 4:41

Nabongka ngaseng tommi setanga battu ri kalenna taua, nasosoka setang. Na punna assulu' anjo setanga battu ri kalenna taua, ammarrang-marrammi angkana, “IKaumi Ana'Na Allata'ala!” Mingka Naga'gara'mi Isa anjo setang-setanga. Napisangkai appau ke'nanga, lanri naassengi ke'nanga angkana, Iami Karaeng Mappasalamaka.

MARKUS 7:30

Ammotere'mi anjo tu bainea. Battui ri balla', narapikammi ana'na attinro ri katinroanga, siagang assulu' tojemmi anjo setanga battu ri anjo anaka.

MATIUS 9:35

Kammaminjo pa'lampanna Isa akkuliling battu ri se'reang kota mange ri kota maraenga; battu ri se'reang kampong mange ri kampong maraenga. Angngajara'mi lalang ri sikamma balla' sambayanga, siagang Napabattumi Kabara' Kasalamakkanga, ri passala' antekamma bateNa ammarenta Allata'ala salaku Karaeng. Naballei ngasemmi tau garringa na'jari baji' ngasemmo. Na anjo tau garringa a'rupa-rupai garrinna siagang kasessanna. Kammayatompa tu sala-salanga nabajiki ngaseng tommi.

MARKUS 1:23

Anjo wattua nia' sitau tu nisoso' ri roh ja'dalaka antama' ri balla' sambayanga. Akkio'-kioki nakana,

MARKUS 1:38

Mingka appialimi Isa Nakana, “Umba kipatulusuki lampata mange ri kota-kota maraenga, ambania anrinni. Parallu tongA' akkato'ba anjoreng. Nasaba' untu' iaminjo naKubattu mae.”

MARKUS 3:1

Ammotere'mi pole Isa mange ri balla' sambayanga. Anjoreng nia' sitau mate siali limanna.

MARKUS 6:6

Lannasaki Isa lanri tenana natappa' ke'nanga ri Ia. Nampa a'lampa Isa mange angngajara' ri kampong niaka a'reppese' anjoreng.