MARKUS 1:35 - KITTA' MATANGKASA'

³⁵ Ammukona, ri wattu subuna ija, ambangummi Isa nampa a'lampa ambokoi ballaka. Mangei ri tampa' sino-sinoa ri pantaranganna kotaya. Mangei anjoreng appala' doang.

MARKUS 1:35 Referans Kwoze

LUKAS 6:12

Anjo wattua naiki Isa ri se'reang bonto, untu' appala' doang. Appala' doangi anjoreng sipattang bujuru'.

EFESUS 6:18

Gaukang ngasemmi anjo kammaya, nanuappala' doang siagang appala' tulung mae ri Allata'ala. Ri sikamma kasampatang niaka, appala' doangko situru' panrurunganNa RohNa Allata'ala mae ri kau. Paralluko tuli jaga-jaga, siagang teako eroki ampappibetangi kalennu. Tuli pappala' doangangi sikontu Umma'Na Allata'ala.

LUKAS 5:16

Le'baki anjo, a'lampami Isa mange appala' doang ri tampa' sino-sinoa.

PAMMUJI 5:3

Kijampangi pakkiokku na Kitulunga', o Karaengku siagang Allata'alaku.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

YOHANES 6:15

Naassengi Isa angkanaya battui ke'nanga ero' ampassai a'jari karaeng Isa mae ri ke'nanga. Lanri kammana, a'lampami Isa alliliangi KalenNa ri daera a'bonto-bontoa.

MATIUS 14:23

A'lampana ngasemmo tau jaia, a'lampa tommi Kale-kalenNa nai' ri se'reang bonto, mange appala' doang. Sa'genna ta'rapi' bangngia nia' iji Isa anjoreng Kale-kalenNa.

FILIPI 2:5

Parallui sangkamma nyawanu siagang nyawaNa Isa Almasi; iamintu:

YOHANES 4:34

Nakanamo Isa, “Ia kanreKu iNakke, iamintu anturuki ero'Na Ia assuroA' battu, siagang ampa'le'baki jamang-jamang Napassareanga ri Nakke.

PAMMUJI 109:4

Natudua' ke'nanga, manna nakukamaseang ke'nanga, siagang kupappala' doangammo ke'nanga.

MATIUS 14:13

Nalangngere'na Isa anjo kabara'na Yohanes, nai'mi ri biseanga, na'lampa kale-kalenna ambokoi anjo tampaka. A'lampai mange akkale-kale ri pammantangang sino-sinoa. Mingka nalangngere'na taua anjo, a'lampami ke'nanga ambokoi kota-kotana mange ampinawangi Isa. Ammolongangi ke'nanga a'jappa rate ri bontoa mange ri tampa' lanamangeia Isa.

MARKUS 1:36

Mingka a'lampami Simon siagang agang-aganna mange amboyai.