MARKUS 1:34 - KITTA' MATANGKASA'

³⁴ Sanna' jaina tau nisessa ri garring. A'rupa-rupai garrinna ke'nanga. Nampa Naballei ngasemmo Isa ke'nanga, na'jari baji'. Nabongka ngaseng tommi setanga. Na tena Napa'biangi a'bicara anjo setang-setanga, nasaba' niassengi ri ke'nanga.

MARKUS 1:34 Referans Kwoze

LUKAS 4:41

Nabongka ngaseng tommi setanga battu ri kalenna taua, nasosoka setang. Na punna assulu' anjo setanga battu ri kalenna taua, ammarrang-marrammi angkana, “IKaumi Ana'Na Allata'ala!” Mingka Naga'gara'mi Isa anjo setang-setanga. Napisangkai appau ke'nanga, lanri naassengi ke'nanga angkana, Iami Karaeng Mappasalamaka.

MARKUS 3:12

Mingka Napisangkai dudumi Isa anjo roh-roh ja'dalaka ampappiassengangi KalenNa mae ri taua.

MATIUS 4:23

Wattunna ri Galilea, a'lampai Isa angnginroi sikontuna anjo pa'rasanganga. Angngajaraki ri sikamma balla' sambayanga siagang Nabirittakammi Kabara' Bajika angkanaya lammarentami Allata'ala. Naballei tommi sikamma tau garringa siagang tau sala-salanga sa'genna baji' ngaseng.

MARKUS 1:25

Niga'gara'mi anjo roh ja'dalaka ri Isa angkana, “A'merekko! Assulukko battu ri anne taua!”

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.