MARKUS 1:24 - KITTA' MATANGKASA'

²⁴ “E, Isa tu Nazaret, apa ero' Nugaukang mae ri kambe? BattuKo ero' anghukkungi ikambe? Kuassengi angkanaya inaiKo antu: iKaumi Tunisuro matangkasaka, battua ri Allata'ala!”

MARKUS 1:24 Referans Kwoze

MATIUS 8:29

Battu lalangi ke'nanga assulu' ri pa'jerakkanga akkiok-kio' angkana, “E Ana'Na Allata'ala! Apa ero' battu nugaukang ri kambe? Ero' mako battu ansessai kambe, manna tanarapikapa wattunna?”

YAKOBUS 2:19

Sai tappakko angkanaya anjo Allata'ala se'reji bawang? Kammatojengi! Kamanna setanga tappa' tonji siagang annekkere'mi napakamma malla'!

LUKAS 4:34

“He Isa, tu Nazaret! Apa ero' Nugaukang mae ri kambe? BattuKo ero' angngancuruki ikambe? KuassenjaKo angkana inaiKo antu: iKaumi tu matangkasaka, nisuroa battu ri Allata'ala!”

LAMPA-LAMPANA 3:14

Ia tau matangkasa' siagang tau baji', mingka nukabirisi siagang nupassai Pilatus allappassangi tu pabunoa untu' ikau sollanna nihukkung anjo Isa.

PAPPICINI' 3:7

“Untu' mae ri malaeka'na jamaah ri Filadelfia, tulisiki kamma anne: Iaminne pappasang battu ri Ia matangkasaka siagang kontutojenga. Iami anta'galaki konci battua ri Daud; punna Nasungkei pakke'buka, tena manna sitau akkulle antongkoki, siagang punna Natongkoki, tena manna sitau akkulle ansungkei.

LAMPA-LAMPANA 2:27

Nasaba' tena natuli nubalang parekangi nyawaku ammantang lalang ri linona tu matea. Tanubalang parekangai ata majarreka ri kau a'jari ancuru' na la'busu'.

LUKAS 8:28

Nacini'na anjo taua angkana niaki battu Isa, ammarrang lompomi nampa su'ju' ri dallekanNa Isa. Ammarrammi nakana, “O Isa, Ana'Na Allata'ala Kaminang Tinggia! Apa ero' Kigaukang mae ri nakke? Kupalaki natena Kisessa'!”

MARKUS 5:7

Ammarrang lompomi nakana, “O Isa, Ana'Na Allata'ala Kaminang Tinggia! Apa ero' Nugaukang ri nakke? Nasaba' Allata'ala, kupalaki ri Katte, tea' laloKi' sessaia'!” (

PAMMUJI 16:10

Saba' tena Kilappassanga' mate; taKilappassangai posso' tu Kikamaseanga.

YOHANES 6:69

Tappa'mi ikambe siagang jarre'mi ri atinna ikambe angkanaya iKattemi Tu Matangkasa' nisuroa battu ri Allata'ala.”

LUKAS 1:35

Appialimi malaekaka nakana, “Labattui RohNa Allata'ala mae ri kau, siagang laniaki koasaNa Allata'ala anrurungangko. Lanri kammana, anjo ana' lalassuka lanigallaraki Matangkasa', Ana'Na Allata'ala.

LAMPA-LAMPANA 24:5

Anne taua pangacoi siagang akkullei angngerang bahaya. Kemae-kemae appa'nia' karicuang ri alla'na tu Yahudia. Siagang iami a'jari pamimpinna tu Nazaretka.

LAMPA-LAMPANA 4:27

Nasaba' memang, a'rappungammi sipa'bicara Herodes, Pontius Pilatus, sikamma tu tenaya naassengi Batara, siagang tu Israel anrinni ri kotaya. A'rappungammi ke'nanga ero' angngewai Isa, Ana' matangkasatTa, le'baka Kiangka' a'jari Karaeng Mappasalama'.

LUKAS 24:19

Akkuta'nammi Isa Nakana, “Kajariang apa?” Appialimi ke'nanga angkana, “Anjo apa kajarianga ri KalenNa Isa, battua ri Nazaret. Ia na'bi. Teai sipato' lompona koasaNa, baji' ri kana-kananNa, kammayatompa ri panggaukanNa – baji' ri dallekanNa Allata'ala, kammayatompa ri dallekanna sikamma rupataua.

MATIUS 2:23

Anjoremmi ammantang ke'nanga, ri se'reang kota nikanaya Nazaret. Lanri kammana, a'rupami apa le'baka napau na'bi-na'bia ri passala'na anjo Anaka angkanaya, “Lanigallaraki Tu Nazaret.”

LUKAS 8:37

Napala' dudu ngasemmi tau ammantanga ri daera Gerasa, sollanna a'lampa Isa ambokoi anjo tampaka, lanri malla' duduna ngaseng ke'nanga. Jari nai'mi Isa ri biseanga, ero' ammotere'.

KALAPPASSANG 14:12

Nakana memang ikambe riolo angkanaya lakammai anne kajarianna! Nipauang memang jako angkanaya tea' mako ganggui ikambe; lappassang tommi ikambe a'jari ata ri Mesir. Bajikangngangi a'jari ataya anjoreng kala matea anrinni ri parang lompoa!”

DANIEL 9:24

Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.

MARKUS 1:23

Anjo wattua nia' sitau tu nisoso' ri roh ja'dalaka antama' ri balla' sambayanga. Akkio'-kioki nakana,

MARKUS 1:25

Niga'gara'mi anjo roh ja'dalaka ri Isa angkana, “A'merekko! Assulukko battu ri anne taua!”

MARKUS 10:47

Ri wattunna nalangngere' angkanaya Isa battu ri Nazaret anjo numaloa, akkiok-kio'mi nakana, “O Isa, Ana'na Daud! Kamaseanga' kodong!”

MARKUS 14:67

Nacini'na anjo palayanga Petrus nia' anjoreng a'binrung ambambangi kalenna, naciniki baji'-baji'mi tanja'na. Nampa nakana, “Sai siagang tongko anjo Isa tu Nazaretka?”

MARKUS 16:6

Nakanamo anjo tu rungkaya, “Teako mallakki! Kuassengi angkanaya Isa, anjo tu battua ri Nazaret, siagang le'baka nisalli' battu nuboya. Mingka cini'mi tenami anrinni ri tampa'Na niboli'. Le'ba'mi attallasa' poleang.

1 YOHANES 2:20

Mingka nutarimami RohNa Allata'ala, le'baka Napaturung Isa Almasi. Iaminjo saba'na nanuassemmo pangngajarang tojenga.