MARKUS 1:21 - KITTA' MATANGKASA'

²¹ Battui Isa siagang ana'-ana' gurunNa ri kota Kapernaum. Ri allo Pammari-marianna poleanga, antama'mi Isa ri balla' sambayanga na appakkaramula angngajara'.

MARKUS 1:21 Referans Kwoze

MARKUS 6:2

Ri allo Pammari-marianga, appakkaramulami angngajara' lalang ri balla' sambayanga. Jai tau anjoreng. Ri wattu nalangngere'na pangngajaranNa Isa, lannasa' sikalimi ke'nanga. Nakanamo ke'nanga, “Battu kemae ngasengi nagappa pangngajarang kammaya anne taua? Pangngissengang apa kutadeng, anne niaka ri taua? Antekamma nakkulle appa'nia' gau' appakalannasa'?

MARKUS 1:39

Jari a'lampami Isa a'la'bang ri sikontu Galilea. Akkato'bami lalang ri sikamma balla' sambayanga. Siagang Nabongka ngasemmi setang-setanga battu lalang ri kalenna sikamma tau nisosoka ri setang.

MATIUS 4:23

Wattunna ri Galilea, a'lampai Isa angnginroi sikontuna anjo pa'rasanganga. Angngajaraki ri sikamma balla' sambayanga siagang Nabirittakammi Kabara' Bajika angkanaya lammarentami Allata'ala. Naballei tommi sikamma tau garringa siagang tau sala-salanga sa'genna baji' ngaseng.

LAMPA-LAMPANA 17:2

Kamma biasaya nagaukang punna nia' balla' sambayang tu Yahudi ri se'reang tampa', a'lampami Paulus mange anjoreng ri balla' sambayanga. A'bicarami Paulus siagang sikamma tau niaka ri balla' sambayanga, ri passala'na apa-apa niaka tattulisi' lalang ri Kittaka. Kammaminjo nagaukanga Paulus sa'genna pintallung allo Pammari-mariang assisambung-sambung.

LAMPA-LAMPANA 18:4

Mingka punna narapi' allo Pammari-marianga, a'lampami Paulus mange ri balla' sambayanga. A'bicarami siagang tu Yahudia kammayatompa tu Yunania, sollanna tappa' ke'nanga mae ri Isa.

MATIUS 4:13

Nabokoimi Nazaret, nampa mange ammantang ri Kapernaum, ri birinna Tamparang Galilea, ri daera Zebulon siagang Naftali.

LUKAS 13:10

Ri se'reang allo Pammari-marianga, angngajaraki Isa ri se'reang balla' sambayang.

LUKAS 10:15

Na ikau tau niaka ri Kapernaum! Bara' nupikkiriki angkanaya laniangkakko nipakatinggi nai' ri suruga? Tena! Passangalinna lanipelakko antama' ri naraka!”

LUKAS 4:16

A'lampa tommi Isa mange ri Nazaret, kampong le'baka Napammantangi sa'genna lompo. Kamma kabiasanNa, a'lampami mange ri balla' sambayanga ri wattunna allo Pammari-marianga. Ammentemmi ero' ammaca Kitta'.

MARKUS 10:1

Nampa Nabokoi Isa anjo tampaka, Na'lampa mange ri daera Yudea, siagang ri daera ba'leanna Binanga Yordan. Battumi pole tau jaia a'lipung ri tammulilina Isa. Na kamma biasa, Naajara'mi Isa ke'nanga.

MARKUS 2:1

Siapa are allo ribokoanganna, ammotere'mi Isa mange ri Kapernaum. Tassiara'mi kabaraka angkana niaki ri balla'.

MARKUS 1:20

Nikio'mi ke'nanga ri Isa. Na nabokoimo manggena ke'nanga siagang tungnganre gajina lalang ri biseanga. Nampa a'lampa ke'nanga amminawang ri Isa.

MARKUS 1:29

A'lampami Isa siagang ana'-ana' gurunNa ambokoi anjo balla' sambayanga, nampa mange ri balla'na Simon siagang Andreas. A'lampa tongi Yakobus siagang Yohanes siagang ke'nanga.

MARKUS 1:33

A'lipummi sikamma tau niaka ri anjo kotaya ri dallekanna anjo ballaka.

MARKUS 3:1

Ammotere'mi pole Isa mange ri balla' sambayanga. Anjoreng nia' sitau mate siali limanna.

LUKAS 4:23

Jari Nakanamo Isa ri ke'nanga, “Mattantu lanupakei anne pangngebaranga ri Nakke angkanaya, ‘O dottoro', balleimi rolong KalenNu, nampa Nuballei tu maraenga. Gaukammi ri kampong KalenNu anjo gau'-gau' appakalannasaka, nilangngereka kabara'na Nugaukang ri Kapernaum.’ ”