MARKUS 1:20 - KITTA' MATANGKASA'

²⁰ Nikio'mi ke'nanga ri Isa. Na nabokoimo manggena ke'nanga siagang tungnganre gajina lalang ri biseanga. Nampa a'lampa ke'nanga amminawang ri Isa.

MARKUS 1:20 Referans Kwoze

LUKAS 14:26

“Punna nia' tau battu mae ri Nakke, mingka la'bi nakamaseangi amma'na, manggena, bainenna, ana'-ana'na, sari'battanna ngaseng, yareka batangkalenna ba'lalo, takkulleai a'jari ana' gurungKu.

MARKUS 10:29

Nakanamo Isa, “Patappa'mi angkanaya: inai-nai ambokoimi balla'na, yareka sari'battang bura'nena, yareka sari'battang bainena, yareka amma'na, yareka manggena, yareka ana'-ana'na, yareka tanana siagang kokonna passabakkang Kabara' Baji' battua ri Allata'ala,

MATIUS 10:37

Inai-nai la'bi angkamaseangi anrong manggena naiNakke, tasiratangai amminawang ri Nakke. Kammaya todong, inai-nai la'bi angkamaseangi ana'-ana' bainena yareka ana'-ana' bura'nena naiNakke, tasiratanga tongi amminawang ri Nakke.

2 KORINTUS 5:16

Lanri kammanami anjo, nataerokamo ikambe ambakuki se'rea tau situru' pa'baku'na rupataua. Memang, le'baki ikambe ambakuki Almasi situru' pa'baku'na rupataua, mingka kamma-kamma anne tenamo.

1 KARAENG-KARAENG 19:20

Jari nabokoimi sapina Elisa nampa lari angngondangi Elia, siagang nakana, “Kipa'bianga' rolong mange appala' kana ri tau toaku, nampa kulamminawang ri katte.” Appialimi Elia angkana, “Baji'mi, mange mako; tena nakupisangkaiko.”

PAOLE 33:9

Tamamminrayai ri Katte la'biangngang namaraengannaya, la'biangngang na tau toa siagang bija pammanakanna. Naturuki ke'nanga parenta-parentaTa, narupai ke'nanga parjanjianTa.

MARKUS 1:19

Tulusuki jappaNa Isa, nia'mo pole nacini' rua tau massari'battang, iamintu Yakobus siagang Yohanes ana'-ana'na Zebedeus. Lalangi ri biseanna ke'nanga sitabang ampakabajiki jalana.

MARKUS 1:21

Battui Isa siagang ana'-ana' gurunNa ri kota Kapernaum. Ri allo Pammari-marianna poleanga, antama'mi Isa ri balla' sambayanga na appakkaramula angngajara'.

LUKAS 5:11

Nabeso'mi Simon siagang agang-aganna anjo biseanga mange ri biring tamparanga. Nampa nabokoi ngaseng anjo biseanga, namminawang ke'nanga ri Isa.