MARKUS 1:19 - KITTA' MATANGKASA'

¹⁹ Tulusuki jappaNa Isa, nia'mo pole nacini' rua tau massari'battang, iamintu Yakobus siagang Yohanes ana'-ana'na Zebedeus. Lalangi ri biseanna ke'nanga sitabang ampakabajiki jalana.

MARKUS 1:19 Referans Kwoze

LAMPA-LAMPANA 12:2

Iami amparentakangi, nanibunomo siagang pa'dang sari'battanna Yohanes, iamintu Yakobus.

LAMPA-LAMPANA 1:13

Ri wattunna battu ke'nanga mange ri Yerusalem, mangemi ke'nanga ri balla' napannumpangia ke'nanga, nampa nai' ke'nanga ri kamara' ratea ri lotenga. Anjo sikamma tunisuroa iamintu Petrus, Yohanes, Yakobus, Andreas, Filipus, Tomas, Bartolomeus, Matius, Yakobus ana'naya Alfeus, Simon nigallaraka Patriot, na Yudas ana'naya Yakobus.

MARKUS 14:33

Nampa Nakio' Petrus, Yakobus siagang Yohanes a'lampa siagang KalenNa. Appakkaramulami si'na siagang lussa' pa'mai'Na.

MARKUS 10:35

Battumi ana'-ana'na Zebedeus mae ri Isa, iamintu Yakobus siagang Yohanes. Nakana ke'nanga, “O Bapa' Guru, nia' ero' napala' ikambe ri Katte, naporo' akkulle laloja Kigaukang untu' ikambe.”

MARKUS 9:2

Annangallo le'ba'na anjo Naerammi Isa iamintu Petrus siagang Yakobus na sari'battanna Yohanes, mange tassa'la' ri se'reang bulu' tinggi. Amminrami tanja'Na Isa ri dallekanna ke'nanga.

MARKUS 5:37

A'jappa tulusuki Isa, mingka tena Napa'biangi taua amminawang, pantaranganna Petrus siagang Yakobus na Yohanes sari'battanna.

MARKUS 3:17

Yakobus siagang Yohanes sari'battanna, iamintu ana'-ana'na Zebedeus (anne ke'nanga nigallaraki Boanerges battuanna “ana' gunturu'”),

MATIUS 4:21

A'jappana pole Isa, nia'mo pole Nacini' tau rua assari'battang, iamintu niarenga Yakobus siagang Yohanes, niarenga Zebedeus manggena. Sitabangi ke'nanga nia' rate ri biseanna appakabaji' jala siagang manggena ke'nanga. Nikio' tommi ke'nanga ri Isa,

MARKUS 1:18

Nabokoi memammi silalonna jalana ke'nanga, nampa amminawang ri Isa.

MARKUS 1:20

Nikio'mi ke'nanga ri Isa. Na nabokoimo manggena ke'nanga siagang tungnganre gajina lalang ri biseanga. Nampa a'lampa ke'nanga amminawang ri Isa.

YOHANES 21:2

Nia' se're allo na'rappungang Simon Petrus, Tomas nigallaraka i Kambara', Natanael battua ri Kana ri Galilea, ana'-ana'na Zebedeus, siagang rua ana' gurunNa Isa maraenganga.