MARKUS 1:14 - KITTA' MATANGKASA'

¹⁴ Nitarungkunamo Yohanes, a'lampami Isa mange ri Galilea ampabattui Kabara' Baji' battua ri Allata'ala anjoreng.

MARKUS 1:14 Referans Kwoze

MATIUS 4:23

Wattunna ri Galilea, a'lampai Isa angnginroi sikontuna anjo pa'rasanganga. Angngajaraki ri sikamma balla' sambayanga siagang Nabirittakammi Kabara' Bajika angkanaya lammarentami Allata'ala. Naballei tommi sikamma tau garringa siagang tau sala-salanga sa'genna baji' ngaseng.

MATIUS 4:12

Nalangngere'na Isa angkanaya nitarungkumi Yohanes, a'lampami alliliangi KalenNa mange ri Galilea.

EFESUS 2:17

Iaminjo saba'na Nabattu Almasi ambirittakangi Kabara' Bajika, iamintu passala'na anjo passiamakkanga, mae ri kau ngaseng; baji' na mae ri kau bansa maraenga, bellaya battu ri Allata'ala, kammayatompa na mae ri kau bansa Yahudia, a'reppeseka ri Allata'ala.

LUKAS 8:1

Tena nasallo ribokoanganna, a'lampami Isa mange ri kota-kotaya, siagang ri kampong-kamponga, untu' ambirittakangi Kabara' Bajika, angkanaya lappakkaramulami ammarenta Allata'ala salaku Karaeng. Nia' tongi ana' gurunNa sampuloa anrua amminawang.

LAMPA-LAMPANA 28:23

Jari appattantumi ke'nanga siagang Paulus se're allo untu' a'rappungang pole. Anjo alloa jai tau battu mange ri pammantanganna Paulus. Battu ri bari'basa' sa'genna karueng napakasingara'mi siagang napabattumi Paulus anjo biritta battua ri Allata'ala siagang Pamarentahanna. Napakemi Paulus apa-apa niaka tattulisi' lalang ri Kitta'na Musa siagang Kitta'na Na'bi-na'bia, ampakasingariangi ke'nanga sollanna a'jari tappa' ke'nanga mae ri Isa.

MATIUS 9:35

Kammaminjo pa'lampanna Isa akkuliling battu ri se'reang kota mange ri kota maraenga; battu ri se'reang kampong mange ri kampong maraenga. Angngajara'mi lalang ri sikamma balla' sambayanga, siagang Napabattumi Kabara' Kasalamakkanga, ri passala' antekamma bateNa ammarenta Allata'ala salaku Karaeng. Naballei ngasemmi tau garringa na'jari baji' ngasemmo. Na anjo tau garringa a'rupa-rupai garrinna siagang kasessanna. Kammayatompa tu sala-salanga nabajiki ngaseng tommi.

LAMPA-LAMPANA 20:25

Le'ba' ngaseng mako massing kukunjungi, siagang le'ba' ngaseng tommi kupabattu mae ri kau ri passala'na Allata'ala siagang PamarentahanNa. Kamma-kamma anne nia'mi ri pakkasiakku angkanaya iaminne kala'busangku assicini' siagang ikau ngaseng.

MATIUS 14:2

Nakanamo Herodes ri pagawena, “Mattantu Yohanes Paje'ne' anjo taua attallasa' poleang! Iaminjo namakoasa kamma anggaukangi anjo gau'-gau' appakalannasaka.”

LUKAS 3:20

Mingka pila' natambaiji kaja'dallanna Herodes, lanri napantama'na Yohanes ri tarungkua.

MATIUS 11:2

Nalangngere'mi Yohanes, niaka lalang ri tarungkua, sikamma apa le'baka Nagaukang Isa Almasi. Nasuromi siapa are ana'-ana' gurunna mange akkuta'nang ri Isa angkana,

MATIUS 4:17

Iaminjo wattua Nappakkaramulamo Isa ampabattui angkanaya, “Toba' ngaseng mako battu ri gau' dosa-dosanu, nasaba' tasalloami nappakkaramulamo ammarenta Allata'ala, salaku Karaeng!”

ROMA 1:1

Natarimai sikamma sari'battangku niaka ri Roma, nikamaseanga ri Allata'ala, siagang le'baka nikio' a'jari umma'Na Allata'ala. Le'ba'ma' nipile siagang niangka' untu' poro ambirittakangi Kabara' Baji' battua ri Allata'ala.