MARKUS 1:13 - KITTA' MATANGKASA'

¹³ Patampulo alloi ammantang anjoreng, niso'ri ri Billisika. Jai olo'-olo' liaraka Naagang sipammantangang; na battumo malaekaka allayani.

MARKUS 1:13 Referans Kwoze

IBRANI 4:15

Anjo Imang Malompota teai imang tenaya nakkulle amminawang angkasiaki kapa'risanta. Passangalinna, le'ba' tommi Nataba paccoba lalang a'rupa-rupa passala', sangkamma todong massing-massing ikatte; iaji bawang tena Nagaukangi dosaya!

KALAPPASSANG 34:28

Patampulo allo patampulo bangngi ammantang Musa anjoreng siagang Batara; na lalanna anjo wattua tena nangnganre siagang tena nangnginung. Anjo kana-kana parjanjianga, iamintu Sampulo ParentaNa Allata'ala, nitulisiki ri anjo batua.

MATIUS 26:53

Maka tenapa nuassengi angkanaya punna erokKa', akkullei Kupala' ri ManggeKu sollanna Nasuro battu silalonna memang surudadu malaeka'Na, sampulo anrua sa'bu battu angngalleiA'?

PAOLE 9:25

Kuassengi angkanaya ero' tojeng-tojengi Batara angngancurukko. Jari su'ju'ma' ri dallekanNa Batara patampulo allo patampulo bangngi,

PAOLE 9:18

Nampa su'ju'ma' pole sikalipi ri dallekanNa Batara irate ri coppo'na monconga patampulo allo siagang patampulo bangngi, tamangnganre tangnginung. Nakugaukang anjo kammaya lanri doraka mako mae ri Batara nasaba' nugaukannamo apa ja'dalaka ri dallekanNa, sa'genna a'jari larro.

PAOLE 9:11

Ri allalonamo patampulo allo siagang patampulo bangngi, Napassareammi Batara anjo ruaya batu parjanjiang mae ri nakke.

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

KALAPPASSANG 24:18

Napatulusu'mi Musa angngambi' sa'genna antama' ri anjo rammanga. Patampulo allo patampulo bangngi ammantang Musa anjoreng.

MATIUS 4:1

Le'baki anjo, nierammi Isa ri RohNa Allata'ala mange ri parang lompoa, sollanna niso'ri ri billisika.

LUKAS 4:1

Antama'mi RohNa Allata'ala ri KalenNa Isa ri wattunna assulu' battu ri Binanga Yordan. Nampa nipimping ri RohNa Allata'ala a'lampa mange ri parang lompoa.