LUKAS 9:62 - KITTA' MATANGKASA'

⁶² Nakanamo Isa ri anjo taua, “Punna appakkaramulamo taua appa'jeko, nampa assaile pole mae ri boko, tena nasiratang a'jari umma'Na Allata'ala.”

LUKAS 9:62 Referans Kwoze

FILIPI 3:13

Tantu tena nakukana sari'battang, angkanaya kugappami anjo hadiaya. Mingka nia' se're passala' kugaukang; iamintu kukaluppaimi apa niaka ri bokoku, nampa kuusahai tojeng-tojeng anggappai anjo apa niaka ri dallekang.

IBRANI 10:38

Na ia ummakKu annabaya latappa'mi siagang lattallasa'mi; mingka punna nia' ri ke'nanga lammono'boko, tasannangai pa'maikKu mae ri ia.”

2 TIMOTIUS 4:10

nasaba' nabokoima' Demas lanri nakarimangnginna anne linoa. A'lampami mange ri Tesalonika. A'lampami Kreskes mange ri Galatia, siagang Titus a'lampami mange ri Dalmatia.

1 KARAENG-KARAENG 19:20

Jari nabokoimi sapina Elisa nampa lari angngondangi Elia, siagang nakana, “Kipa'bianga' rolong mange appala' kana ri tau toaku, nampa kulamminawang ri katte.” Appialimi Elia angkana, “Baji'mi, mange mako; tena nakupisangkaiko.”