LUKAS 9:45 - KITTA' MATANGKASA'

⁴⁵ Mingka tanapahangai ana'-ana' gurunNa anjo Nabicaraya Isa. Nirahasiakangi anjo passalaka mae ri ke'nanga sollanna tena napahangi ke'nanga. Mingka mallaki ke'nanga ampakkuta'nangangi anjo passalaka mae ri Isa.

LUKAS 9:45 Referans Kwoze

LUKAS 18:34

Mingka manna sike'de' tanapahangai ana'-ana' gurunNa anjo Nabicaraya Isa. Na Narahasiakang Isa battuanna anjo kana-kana Napabattua ri ke'nanga. Tanapahangai ke'nanga angkanaya passala' apa anjo Nabicaraya Isa.

YOHANES 12:16

Anjo wattua tanaassengapi ana'-ana' gurunNa Isa angkanaya apa ngaseng battuanna anjo kammaya. (Mingka ri wattunna nipakala'biri'mo Isa battu ri kamateanNa, nampami nau'rangi ke'nanga angkanaya anjo apa le'baka nagaukang taua ri Isa le'ba' memammi tattulisi' lalang ri Kittaka anjo apa kajarianga ri Ia.)

LUKAS 2:50

Mingka tanapahangai ke'nanga battuanna anjo pappialinNa Isa.

MARKUS 9:32

Tanapahangai ana'-ana' gurunNa Isa anjo apa Napangngajaranga, mingka mallaki ke'nanga akkuta'nang ri Ia.

YOHANES 14:5

Nakanamo Tomas ri Isa, “O Batara, tanaassengai ikambe angkana la'lampa kemaeKi', jari antekamma lakkulle niasseng oloanga?”

YOHANES 12:34

Nakanamo anjo tau jaia ri Ia, “Manuru' Kitta' Hukkung niaka ri kambe, anjo Karaeng Mappasalamaka lattallasaki sa'genna satunggu-tungguna. Antekamma Nukkulle angkana musti nipakatinggi anjo Ana' Ma'rupataua ri lino? Inaika anjo Ana' Ma'rupataua?”

MARKUS 9:10

Napilangngerimi ke'nanga anjo pappasanga. Mingka appakkaramulami nabicara para ia ke'nanga apa battuanna anjo kananNa Isa angkanaya, “attallasa' poleangi battu ri kamateanga.”

MATIUS 16:22

Nibeso'mi Isa ri Petrus mae ri sa'ri nampa nipauang angkana, “Tapporo Napakabella laloi Allata'ala ri Katte anjo kammaya, Batara! Poro tena lalo nakajariang anjo kammaya ri Katte Batara!”

LUKAS 9:46

A'gea'-gea'mi ana'-ana' gurunNa Isa ri passala' inai ri ke'nanga kaminang la'biri'.

MATIUS 17:22

Ri wattunna a'rappungang ana'-ana' gurunNa Isa ri Galilea, angkanami Isa ri ke'nanga, “Tenamo nasallo nanipassareammo Ana' Ma'rupataua mae ri kakoasanna rupataua.

YOHANES 4:33

Massing sikuta'nammi ana'-ana' gurunNa Isa angkana, “Apa nia' tau le'ba' ampangngerangangi kanre?”