LUKAS 9:34 - KITTA' MATANGKASA'

³⁴ Lalang a'bicarana ija Petrus, nia'mo battu rammang antongkoki ke'nanga, sa'genna malla'mo ke'nanga.

LUKAS 9:34 Referans Kwoze

PAPPICINI' 1:17

Ri wattunna kucini', su'ju'ma' naung ri dallekanNa sangkamma tau matea. Mingka Napadongko'mi lima kananNa ri kalengku nampa Nakana mae ri nakke, “Teako mallakki! INakkemi uru-urua siagang iNakkemi kala'busanga.

DANIEL 10:8

Nabokoia' anjoreng kale-kalengku, amparhatikangi anjo paccini' appata'bangkaya. Tenamo kusa'ring kagassingangku siagang pi'lasa' sikalimi rupangku.

YESAYA 19:1

Iaminne pappasang ri passala'na tu Mesir. Battui sallang Batara mange ri Mesir a'dongko' rammang gassinga larina. Annekkere' ngasengi sikamma barhalana tu Mesir ri dallekanNa siagang ca'dimi nyawana tu Mesir napakamma.

HAKING-HAKING 13:22

Nakanamo Manoah ri bainenna, “Ma'nassa lamateki' nasaba' le'baki nicini' Allata'ala!”

HAKING-HAKING 6:22

Naassemmi Gideon angkanaya anjo battua malaeka' KalenNa Batara. Jari malla'mi Gideon nanakanamo, “Cilakama' inakke, o Batara Kaminang Mala'birika! Nasaba' assidallekamma' siagang malaekatTa!”

LUKAS 9:33

Ri wattunna la'lampamo anjo tau ruaya ambokoi Isa, angkanami Petrus ri Isa, “Pa' Guru, baji' sikali nisa'ring pakkasiaka anrinni. Bajiki punna apparekki' kema: se're untu' iKatte, se're untu' Musa, na se're untu' Elia.” (Kammaminjo kananna Petrus, mingka tanapahangai anjo apa napaua.)

LUKAS 9:35

Nampa nia'mo sa'ra kalangngerang battu lalang ri rammanga angkana, “Iaminne AnakKu Kupilea. Pilangngeri kananNa!”