LUKAS 9:24 - KITTA' MATANGKASA'

²⁴ Nasaba' inai-nai ero' angkatutui nyawana, iami latappela' nyawana. Mingka inai-nai angkoro'bangkangi katallassanna untu' kaparalluangKu, iami lanipasalama' katallassanna.

LUKAS 9:24 Referans Kwoze

LUKAS 17:33

Inai-nai ero' ampasalamaki katallassanna, iami latappela' katallassanna. Mingka inai-nai tappela' katallassanna, iami lanipasalama' katallassanna.

YOHANES 12:25

Inai-nai angkarimangngi katallassanna, iami latappela' katallassanna. Mingka inai-nai angkabirisi katallassanna ri anne linoa, iami angkarimangngi katallassanna, la'jari katallassang satunggu-tunggua sallang.

PAPPICINI' 2:10

Teako mallakki mae ri kapa'risanga, tenayamo nasallo namusti nukasia'. U'rangi, angkanaya jaiko lanapantama' Billisika ri tarungkua untu' lanaso'ri. Lasessako sampulo allo sallona. Paralluko tamamminraya ri tappa'nu sa'gennu mate; na iNakke lassareangko katallassang sitojennaya siagang mannannunganga, a'jari hadia ri pammetannu.

PAPPICINI' 12:11

Le'ba'mi nibeta ri sari'battanta tete ri cera'Na anjo Ana' Gimbalaka, siagang tete ri katojenganna anjo biritta battua ri Allata'ala, ia le'baka napa'la'bang ke'nanga. Rellai ke'nanga angkoro'bangkangi kalenna sa'genna mate.

IBRANI 11:35

Lanri tappa'na sikamma tubainea nanagappamo ammotere' sikamma taunna le'bakamo mate. Nia' tommo ampassareangi kalenna nisessa sa'genna mate; taerokami nilappassang, lanri ero'na nipattallasa' poleang nanagappa katallassang la'bi bajikanganga.

MATIUS 10:39

Inai-nai angkatutui nyawana, iami latappela' nyawana; mingka inai-nai tappela' nyawana lanri tuli jarreki pa'mai'na amminawang ri Nakke, iami langgappai katallassang satunggu-tunggua.”

KATO'BA 3:6

Allata'ala ampattantui wattu anggappaya siagang wattu kapelakkanga, wattu ammoli' siagang wattu a'labo,