LUKAS 9:20 - KITTA' MATANGKASA'

²⁰ Akkuta'nammi pole Isa Nakana, “Mingka turu' panggappanu ikau ngaseng, inaiA' anne?” Appialimi Petrus nakana, “Ikattemi Karaeng Mappasalamaka, le'baka Napa'janjiang Allata'ala.”

LUKAS 9:20 Referans Kwoze

YOHANES 7:41

Na maraenganga angkanai, “Iaminne Karaeng Mappasalamaka!” Mingka nia' tommo angkana, “Ha, maka labattu anjorengi ri Galilea Karaeng Mappasalamaka?

YOHANES 4:29

“Umba mange anciniki tau akkullea ampauanga' sikontu apa le'baka kugaukang. Maka Iami kutadeng anjo taua Karaeng Mappasalamaka?”

LAMPA-LAMPANA 17:3

Situru' apa niaka tattulisi' lalang ri Kittaka, napakasingara'mi siagang napa'buttimi Paulus angkanaya parallui Nakasia' sessaya siagang ambangung poleang battu ri kamateanga anjo Karaeng Mappasalama' Napa'janjianga Allata'ala. Nakana Paulus, “Anjo Isa, kukabarranga mae ri kau ngaseng, Iami Karaeng Mappasalama' le'baka Napa'janjiang Allata'ala.”

LAMPA-LAMPANA 9:22

Mingka pila' a'jari lompomi pangaruna Saulus. Sikamma butti-butti napabattua ri passala'na Isa sanna' sikali jarre'na, angkanaya ma'nassa Iaminjo Isa Karaeng Mappasalamaka. Sa'genna takkulleami tu Yahudi niaka ri Damsyik anggeakki anjo apa napaua.

YOHANES 20:31

Mingka nitulisi'mi sikammaya anne niaka nitulisi', sollannu tappa' ngaseng angkanaya Isa Iami Karaeng Mappasalama', Ana'Na Allata'ala; na lanri tappa'nu ri Ia, nanugappamo katallassanga.

YOHANES 11:27

Appialimi Marta nakana, “Batara, tappaka' ri Katte angkanaya iKattemi Ana'Na Allata'ala, Karaeng Mappasalama' labattua ri anne linoa.”

YOHANES 4:42

Nakanamo ke'nanga ri anjo bainea, “Tappa' ngaseng maki' anne, mingka teai lanri apa nupaua bawang ri kambe; mingka lanri kalennami ikambe allangngereki, naniassemmo angkanaya Ia memang tommi Karaeng Mappasalama'na anne linoa.”

YOHANES 1:49

Nakanamo Natanael, “Bapa' Guru, iKattemi Ana'Na Allata'ala! IKattemi Karaenna bansa Israel!”

YOHANES 1:41

Akkaro-karomi Andreas amboyai Simon, iamintu sari'battanna, na nakana ri ia, “Ikambe assibuntulu' maki' siagang Mesias!” (Mesias sangkammai battuanna siagang Almasi, iamintu: Karaeng Mappasalama'.)

MARKUS 8:29

Akkuta'nammi Isa Nakana, “Mingka manuru' panggappanu ngaseng todong, inaiA' anne?” Appialimi Petrus nakana, “IKattemi Karaeng Mappasalamaka!”

1 YOHANES 5:1

Inai-nai tappa' angkanaya iaminjo Isa, Karaeng Mappasalama' Napa'janjianga Allata'ala, iami Ana'Na Allata'ala. Na inai-nai mangngamaseang ri Manggea, nakamaseang tongi Anaka.

LAMPA-LAMPANA 8:36

Ri tangngana aganga; anrapi'mi ke'nanga mange ri se'reang tampa' niaka je'ne'na. Nakanamo anjo pagawea, “Ciniki, anjo mae nia' je'ne'! Apapi pole kakuranganna punna erokka' nije'ne'?” [

LUKAS 22:67

Nakanamo ke'nanga ri Ia, “Pau sai bedeng, maka iKaumi Karaeng Mappasalamaka?” Appialimi Isa Nakana, “Manna Kupauangko tena ngaseng tonja nulatappa'.

MARKUS 14:61

Mingka a'merekiji Isa. Tena sikali Naero' appiali. Jari sikalipi pole akkuta'nang anjo imang lompoa nakana, “Maka iKaumi Karaeng Mappasalamaka, Ana'Na Allata'ala Kaminang Matangkasaka?”

MATIUS 22:42

“Antekamma panggappanu ngaseng ri passala'na Karaeng Mappasalamaka? Sossorang battu ri nai?” Appialimi ke'nanga angkana, “Sossorang battu ri Daud.”

MATIUS 5:47

Na punna agannuji bawang nujamakki, apa la'bina kabajikannu? Kamanna tau kapereka nagaukang tonji kammaya.

MATIUS 26:63

Mingka tena Nakkana-kana Isa. Nakanamo pole imang lompoa ri Ia, “Nasaba' Allata'ala mattallasaka, paumi ri kambe, maka Ikau tojeng mintu Karaeng Mappasalamaka, Ana'naya Allata'ala?”

LUKAS 9:19

Appialimi ke'nanga angkana, “Nia' tau angkana Yohanes Paje'ne'. Nia' todong tau angkana Elia. Na maraenganga nakana kalase'renna na'bi jammang rioloa, attallasa' poleanga ammotere'.”