LUKAS 8:15 - KITTA' MATANGKASA'

¹⁵ Anjo bine takkioroka ri butta copponga, iaminjo pangngebaranna tau allangngerekai anjo kabaraka, nampa naboli' baji' siagang attojeng-tojeng lalang ri atinna ke'nanga. Attahangi ke'nanga, sa'genna sanrapangi ke'nanga poko' kayu a'rappoa.”

LUKAS 8:15 Referans Kwoze

IBRANI 10:36

Paralluko sa'bara', sollanna akkulle nugaukang ero'Na Allata'ala. Na lanri kammana lanutarimai apa Napa'janjianga Allata'ala.

LUKAS 6:45

Punna baji' taua, mattantu labaji' tongi kana-kananna, lanri sangnging kabajikang lalang ri atinna. Na punna ja'dala' taua, mattantu laja'dala' tongi kana-kananna, lanri sangnging kaja'dallang lalang ri atinna. Nasaba' apa-apa mamo assulu' ri bawaya ia tomminjo niaka lalang ri atia.”

1 YOHANES 2:3

Punna mappilangngeriki' mae ri sikamma parentaNa Allata'ala, iaminjo a'jari pammatei angkanaya niassemmi Allata'ala.

KOLOSE 1:10

Na lanri kammanami anjo nukkullemo attallasa' situru' ero'Na Allata'ala, siagang natuli nupakasannang pa'mai'Na; sa'genna ilalang ri apa-apa mamo, akkulleko appa'nia' wassele' apa-apa baji'. Kammayatompa katambang tommi pammahannu ri sesena Allata'ala.

KOLOSE 1:6

Tassiara'mi anjo kabaraka alla'bang lino. Na nibarakkakimo katallassanna rupataua lanri anjo birittaya; sangkamma todong nibarakkakimi katallassannu appakkaramula ri nulangngere'na anjo passare malammoro'Na Allata'ala na nupahang baji'-baji'.

YOHANES 14:15

“Punna nukamaseangA', lanugaukangi sikontu parentaKu.

LUKAS 11:28

Mingka appialimi Isa Nakana, “La'bi upakkangangi pole tau allangngerekai siagang anggaukangi kana-kananNa Allata'ala!”

FILIPI 1:11

Lakala'biang mako ri sikamma panggaukang bajika; iamintu jama-jamang KalenNaya bawang Isa akkulle anggaukangi; naporo nipakala'biri'mo siagang nipuji-pujimo Allata'ala.

ROMA 7:4

Sangkamma ngaseng tomminjo mae ri kau, sari'battangku ngaseng. Sanrapang mate ngaseng mako mae ri hukkung agama Yahudia lanri nipasileo'mi tallasa'nu siagang Isa Almasi, le'baka attallasa' ammotere' battu ri kamateanga; Iami ampatangi katallassannu. Nipattallasa' poleangi ammotere' battu ri kamateanga, sollanna akkulle a'jari a'matu-matu katallassanta mae ri Allata'ala.

ROMA 6:22

Mingka kamma-kamma anne nilappassang mako battu ri dosa-dosaya, siagang a'jari mako atanNa Allata'ala. Naia passawallang nugappaya iamintu angkanaya nupassareammi tallasa'nu mae ri Allata'ala, siagang iaminjo langngerang wassele' katallassang sitojennaya siagang katallassang satunggu-tunggua.

YOHANES 15:10

Punna nugaukang apa-apa Kuparentakanga, ma'nassami angkanaya tuli jarre' mako ri pangngamaseangKu; sangkamma iNakke tuli jarreKa' ri pangngamaseanNa Manggea, lanri Kugaukanna parenta-parentaNa.

MATIUS 24:13

Mingka inai-nai attahang sa'genna kala'busang tallasa'na, iami lanipasalama'.

PAOLE 30:6

Ikau siagang jari-jarinu lanisareko nyawa sarroa mannuruki, sa'gennu mangngamaseang ri Karaeng Allata'alanu lalang sikontu pa'mai'nu siagang akkulleko tulusu' ammantang ri anjo buttaya.

IBRANI 2:1

Iaminjo saba'na kimusti la'bi attojeng-tojeng anna'gala' jarre' mae ri sikontu pangngajarang le'baka nilangngere' battu ri Allata'ala, sollanna tena nanibokoi katappakkanta.

EFESUS 2:8

Nakarimangngiko Allata'ala. Iaminjo Nanapasalamakko, lanri tappa'nu mae ri Isa. Anjo kasalamakkannu, teai wassele' usaha kalennu. Mingka passare malammoro'Na Allata'ala. Jari, tena manna sitau akkulle ampattampo-tampoangi kalenna ri anjo passalaka.

1 KORINTUS 7:19

Nasaba' nipinawangi yareka tena anjo paratorang sunnaka, rua-rua tena naparallu. Ia parallua iamintu mannurukia ri sikamma parentaNa Allata'ala.

ROMA 7:18

Kuassemmi angkanaya tena sikalimo apa-apa baji' lalang ri batangkalengku, iamintu lalang ri sipa'-sipa' rupatauku. Nasaba' nia' erokku anggaukangi kabajikanga, mingka takkullea' anggaukangi.

ROMA 2:7

Nasarei Allata'ala katallassang sitojennaya siagang mannannunganga tau jarreka anggaukangi kabajikanga, sollanna nagappa katallassang mala'birika, katallassang malompoa siagang satunggu-tunggua.

YEREMIA 31:33

Iaminne parjanjiang beru laKupareka siagang umma' Israel: Hukkung-hukkungKu laKuboliki ri ati mailalanna ke'nanga, Kutulisiki ri pa'mai'na ke'nanga. INakke la'jari Allata'alana ke'nanga, siagang ke'nanga la'jari ummakKu.

YAKOBUS 1:4

Boli'mi kamma pila' katambang sa'bara'nu sa'gennu a'jari makassa' siagang sukku' kammayatompa tenamo apa-apa kakurangannu.

YEREMIA 32:29

siagang lanatunui sa'genna la'busu' siagang ngaseng sikamma balla' napammantangngia tau ampakallarroA', lanri iratemi ri pattongko'na sikamma anjo ballaka attunu ke'nanga dupa untu' Rewata Baal, kammayatompa appatiri' anggoro' untu' napassareang mae ri rewata-rewataya.

YEREMIA 15:16

IKatte a'bicara ri nakke, siagang tuli kupilangngerinna bicaranTa. IKatte ampatanga', o Karaeng Allata'ala Kaminang Koasaya, lanri kammana anjo nakupakasannang siagang napakate'ne kana-kananTa.

PANGNGEBARANG 3:1

Teako takkaluppai ri apa le'baka kuajarrangko, ana'. Tuli u'rangi parentaku,

PAMMUJI 119:11

Kuboliki ri pa'maikku pangngajaratTa, sollanna tena kudoraka mae ri Katte.

PAMMUJI 51:10

Boli'mi kamma kulangngere' kabara' nikarannuanga, sollanna a'jari rannu poleang anne atingku le'baka Kiancuru'.

LUKAS 8:14

Anjo bine takkioroka ri tangnga-tangngana rompo'-rompo' akkatintinga, iaminjo pangngebaranna tau allangngerekai anjo kabaraka, mingka ranggaselai ri passala' katallassanna ke'nanga, siagang cinnai a'jari sannang nakkalumanynyang ilalang ri anne linoa. Yangaseng minjo angngepeki ke'nanga, sa'genna takkulleai ke'nanga a'rappo baji'.

LUKAS 8:16

“Tenanniakka tau apparinra lampu, nampa natongko' katoang, yareka naboli' rawanganna katinroanga. Mingka lanaboliki irate ri pa'dongkokanna, sollanna punna nia' tau antama' akkullei nacini' singara'na.

ROMA 8:25

Mingka punna ma'minasaki' ri apa-apa tenayapa nigappai, paralluki sa'bara' antayangi anjo niminasaia.